സഹപാഠി പീഡിപ്പിച്ചു ; മലപ്പുറത്ത് ഒൻപതാം ക്ലാസ് വിദ്യാർഥിനി ഗർഭിണിയായി

മലപ്പുറം: സഹപാഠി പീഡിപ്പിച്ച ഒൻപതാം ക്ലാസ് വിദ്യാർഥിനി ഗർഭിണിയായി. മലപ്പുറത്താണു സംഭവം. പെൺകുട്ടി പഠിക്കുന്ന സ്‌കൂളിലെ തന്നെ പ്ലസ് ടു വിദ്യാർഥിയാണ് പീഡിപ്പിച്ചതെന്നാണു വിവരം. കുട്ടിയുടെ വീട്ടിൽ വച്ചു തന്നെയാണു പീഡനം നടന്നത് .

കഴിഞ്ഞ ദിവസം ആരോഗ്യ പ്രശ്‌നങ്ങളെ തുടർന്ന് കുട്ടിയെ ആശുപത്രിയിൽ പ്രവേശിപ്പിച്ചപ്പോഴാണ് ഗർഭിണിയാണെന്ന് അറിയുന്നത്. തുടർന്ന് വിദ്യാർഥിനി തന്നെയാണ് പീഡനത്തെ കുറിച്ചു വെളിപ്പെടുത്തുന്നത്. സംഭവത്തിൽ പൊലീസ് അന്വേഷണം ആരംഭിച്ചു.