മലപ്പുറം: പൊലീസ് സംരക്ഷണം ആവശ്യപ്പെട്ട് എംഎല്‍എ പി വി അന്‍വര്‍ ഡിജിപിക്ക് കത്ത് നല്‍കി. തുടര്‍ച്ചയായ വെളിപ്പെടുത്തലുകളെ തുടര്‍ന്ന് തനിക്കും കുടുംബത്തിനും ഭീഷണിയുണ്ടെന്ന് അന്‍വര്‍ പറഞ്ഞു. തന്നെ കൊല്ലാനും കുടുംബത്തെ അപായപെടുത്തുത്താനും സാധ്യതയുണ്ടെന്ന് അന്‍വര്‍ പറഞ്ഞു.
കുടുബത്തിന്റെയും വീടിന്റെയും സ്വത്തിന്റെയും സംരക്ഷണത്തിനായി പൊലീസിനെ നിയോഗിക്കണമെന്നാണ് അന്‍വറിന്റെ ആവശ്യം.
അതേസമയം പി വി അന്‍വറിന്റെ ആരോപണത്തില്‍ എഡിജിപി എം ആര്‍ അജിത് കുമാറിന്റെ മൊഴി ഡിജിപി രേഖപ്പെടുത്തി. മൂന്നര മണിക്കൂര്‍ നീണ്ട മൊഴി എടുപ്പ് വീഡിയോ റിക്കോര്‍ഡ് ചെയ്തു. മൊഴിയെടുക്കുമ്പോള്‍ ഐജി സ്പര്‍ജന്‍ കുമാറും ഉണ്ടായിരുന്നു.
ഇതിനിടെ അജിത് കുമാറിനെതിരായ അനധികൃത സ്വത്ത് സമ്പാദനമടക്കമുള്ള പരാതിയില്‍ ഡിജിപി വിജിലന്‍സ് അന്വേഷണത്തിന് ശുപാര്‍ശ ചെയ്തു. എം ആര്‍ അജിത് കുമാര്‍ ക്രമസമാധാന ചുമതല വഹിക്കുന്നതിനാല്‍ ഉദ്യോഗസ്ഥര്‍ തെളിവ് നല്‍കാന്‍ മുന്നോട്ടുവരുന്നില്ലെന്ന് ഡിജിപിയെ കണ്ടശേഷം പി വി അന്‍വര്‍ പ്രതികരിച്ചു.
പ്രതികരിക്കാൻ ഇവിടെ എഴുതുക: