തിരുവനന്തപുരം: ബൗളര്‍മാരുടെ മിന്നും പ്രകടനത്തില്‍ കേരളാ ക്രിക്കറ്റ് ലീഗി(കെസിഎല്‍)ല്‍ ഇന്നലത്തെ ആദ്യ കളിയില്‍ അദാനി ട്രിവാന്‍ഡ്രം റോയല്‍സിനെ ആലപ്പി റിപ്പിള്‍സ് തോല്‍പ്പിച്ചു. 52 റണ്‍സ് വിജയമാണ് ആലപ്പി റിപ്പിള്‍സ് സ്വന്തമാക്കിയത്.
ആലപ്പിയുടെ അക്ഷയ് ചന്ദ്രനാണ് പ്ലയര്‍ ഓഫ് ദ മാച്ച്. ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ ആലപ്പി റിപ്പിള്‍സ് 20 ഓവറില്‍ ഏഴ് വിക്കറ്റ് നഷ്ടത്തില്‍ 125 റണ്‍സ് നേടി. താരതമ്യേന കുറഞ്ഞ സ്‌കോറിനു ആലപ്പിയെ ഒതുക്കിയ ട്രിവാന്‍ഡ്രം മറുപടി ബാറ്റിങ്ങില്‍ ആലപ്പുഴയ്‌ക്ക് മുന്നില്‍ പിടിച്ചുനില്‍ക്കാനായില്ല. നാല് ഓവറില്‍ ഒന്‍പതു റണ്‍സ് മാത്രം വിട്ടുകൊടുത്ത് നാലു വിക്കറ്റുകള്‍ നേടിയ ആലപ്പി ബൗളര്‍ അക്ഷയ് ചന്ദ്രന്റെ പ്രകടനം വിജയത്തില്‍ നിര്‍ണായകമായി. 126 റണ്‍സ് വിജയലക്ഷ്യവുമായി ബാറ്റിംഗിനിറങ്ങിയ ട്രിവാന്‍ഡ്രം 16.5 ഓവറില്‍ 73 റണ്‍സിന് എല്ലാവരും പുറത്തായി.
ആദ്യം ബാറ്റ് ചെയ്ത ആലപ്പിക്കായി
ആലപ്പിയുടെ മുഹമ്മദ് അസ്ഹറുദ്ദീന്‍-കൃഷ്ണപ്രസാദ് ഓപ്പണിംഗ് കൂട്ടുകെട്ട് അര്‍ദ്ധസെഞ്ചുറി തികച്ചു. 34 റണ്‍സ40 പന്തില്‍ നിന്ന് 37 റണ്‍സ് എടുത്ത കൃഷ്ണപ്രസാദിനെ അബ്ദുള്‍ ബാസിത് പുറത്താക്കി. സ്‌കോര്‍ 13.3 ഓവറില്‍ മൂന്നു വിക്കറ്റ് നഷ്ടത്തില്‍ 85 റണ്‍സ്. തുടര്‍ന്ന് 12 റണ്‍സ് എടുക്കുന്നതിനിടെ ആലപ്പിയുടെ നാലു വിക്കറ്റുകള്‍ നഷ്ടമായതോടെ ഏഴിന് 97 എന്ന നിലയിലെത്തി. ഒടുവില്‍ ഒരുവിധത്തില്‍ ടോട്ടല്‍ 125ലെത്തിക്കുകയായിരുന്നു.
പ്രതികരിക്കാൻ ഇവിടെ എഴുതുക: