ലക്നൗ : കാളിന്ദി എക്‌സ്പ്രസ് ട്രെയിൻ പാളം തെറ്റിക്കാനുള്ള ശ്രമവുമായി ബന്ധപ്പെട്ട് ഒരാൾ അറസ്റ്റിൽ . തീവ്ര ഇസ്ലാമിസ്റ്റായ ഷാരൂഖ് ഖാൻ എന്ന യുവാവിനെയാണ് ഉത്തർപ്രദേശ് പോലീസിന്റെ തീവ്രവാദ വിരുദ്ധ സ്ക്വാഡ് അറസ്റ്റ് ചെയ്തത്.
ഷാരൂഖ് ഖാന് ഭീകര സംഘടനയായ ഐഎസിന്റെ ഖൊറാസാൻ മൊഡ്യൂളുമായി ബന്ധമുണ്ടെന്നും റിപ്പോർട്ടുകളുണ്ട്.എൻഐഎയും യുപി പോലീസിന്റെ തീവ്രവാദ വിരുദ്ധ സ്‌ക്വാഡും ഉൾപ്പെടെയുള്ള വിവിധ ഏജൻസികൾ ചേർന്നാണ് അന്വേഷണം നടത്തുന്നത് . കാൺപൂരിൽ ട്രെയിൻ അട്ടിമറിക്കാനുള്ള ഗൂഢാലോചനയിൽ ഭീകരരുടെ പങ്കുണ്ടെന്നതിന് നിരവധി തെളിവുകൾ ലഭിച്ചിട്ടുണ്ട്.
തിങ്കളാഴ്ചയാണ് ഭിവാനി-പ്രയാഗ്‌രാജ് കാളിന്ദി എക്‌സ്‌പ്രസ്ട്രെയിൻ, റെയിൽവേ ട്രാക്കിൽ സ്ഥാപിച്ചിരുന്ന എൽപിജി സിലിണ്ടറിൽ ഇടിച്ചത് . ലോക്കോ പൈലറ്റിന്റെ ജാഗ്രതയിൽ വലിയ അപകടം ഒഴിവായിരുന്നു. തുടർന്ന് ലോക്കൽ പോലീസ് എഫ്ഐആർ രജിസ്റ്റർ ചെയ്തതിനെത്തുടർന്ന് അട്ടിമറി ശ്രമത്തെക്കുറിച്ച് സൂചന നൽകുന്ന ഒരു കുപ്പി പെട്രോളും തീപ്പെട്ടികളും സൈറ്റിൽ നിന്ന് കണ്ടെത്തി.
പ്രതികരിക്കാൻ ഇവിടെ എഴുതുക: