മുംബൈ :വിനായക ചതുർത്ഥി ആശംസകൾ നേർന്ന നടി സാറാ അലിഖാനെതിരെ ഇസ്ലാമിസ്റ്റുകളുടെ അസഭ്യവർഷം . ഇൻസ്റ്റാഗ്രാമിലാണ് വിനായക ചതുർത്ഥിയ്‌ക്ക് ആശംസ അറിയിച്ച് സാറാ അലി ഖാൻ ചിത്രം പങ്ക് വച്ചത്. ഹിന്ദു ആഘോഷങ്ങൾക്ക് ആശംസകൾ അറിയിക്കുന്ന സാറാ അലിഖാനെതിരെ ഇസ്ലാമിസ്റ്റുകൾ സ്ഥിരമായി സൈബർ ആക്രമണം നടത്തുകയാണ്.
ഗണേശ ഭഗവാനെ പ്രാർത്ഥിക്കുന്ന ചിത്രത്തിനൊപ്പം “ഗണേഷ് ചതുർത്ഥി ആശംസകൾ…ബാപ്പ നമുക്കെല്ലാവർക്കും സന്തോഷവും സമാധാനവും മാത്രം നൽകട്ടെ…” എന്നായിരുന്നു നടിയുടെ ആശംസ.
എന്നാൻ പോസ്റ്റ് ഇസ്ലാമിന് അപമാനമാണെന്നണ് തീവ്ര ഇസ്ലാമിസ്റ്റുകളുടെ കണ്ടെത്തൽ . വിഗ്രഹാരാധന നടത്തികൊണ്ട് ഇസ്ലാമിൽ തുടരാൻ കഴിയില്ലെന്നും , അള്ളാഹുവിനോട് മാപ്പ് അപേക്ഷിച്ചാൽ മാത്രമേ ഇസ്ലാമായി ഇനി ജീവിക്കാനാകൂ എന്നുമാണ് ചിലർ പറയുന്നത് . ഇങ്ങനെ പ്രാർത്ഥിക്കുന്നതിന് മുമ്പ് നടി മുസ്ലീമായ പിതാവിന്റെ വിശ്വാസം പരിഗണിക്കണമായിരുന്നുവെന്നും ചിലർ പറയുന്നു .
“നിങ്ങൾ മുസ്ലീമാണ് എന്തിനാണ് പൂജ ചെയ്യുന്നത്”, “സർവ്വശക്തനായ അള്ളാഹു ആണ് ഈ പ്രപഞ്ചത്തെ സൃഷ്ടിച്ചത് , ഈ നിഷ്ക്രിയ കല്ലുകൾ തെറ്റാണ്” നിങ്ങൾ നിസ്ക്കരിക്കാറുണ്ടോ എന്നൊക്കെയാണ് മറ്റ് ചില കമന്റുകൾ.
പ്രതികരിക്കാൻ ഇവിടെ എഴുതുക: