ഹൈദരാബാദ് : വിമാനത്താവളത്തില്‍ ബഹളം വച്ച നടന്‍ വിനായകനെതിരെ കേസെടുത്ത് ഹൈദരാബാദ് പൊലീസ്. സിഐഎസ്എഫ് ഉദ്യോഗസ്ഥരുടെ പരാതിയെ തുടര്‍ന്നാണ് കേസ് എടുത്തത്.
ഹൈദരാബാദ് വിമാനത്താവള പൊലീസാണ് കേസ് എടുത്തത്. മദ്യപിച്ച് ബഹളമുണ്ടാക്കി,പൊതുസ്ഥലത്ത് മോശമായി പെരുമാറി എന്നീ വകുപ്പുകളാണ് ചുമത്തിയത്. സ്റ്റേഷന്‍ ജാമ്യം ലഭിക്കാവുന്ന വകുപ്പുകള്‍ ആണ് ചുമത്തിയത്.
നേരത്തേ ഹൈദരാബാദ് വിമാനത്തവാളത്തില്‍ വച്ച് വിനായകനെ സിഐഎസ്എഫ് ഉദ്യോഗസ്ഥര്‍ കയ്യേറ്റം ചെയ്യുകയുണ്ടായി.വിനായകനെ കയ്യേറ്റം ചെയ്യുന്ന ദൃശ്യങ്ങള്‍ പുറത്തുവന്നിരുന്നു.ഇതിനെ തുടര്‍ന്നുള്ള സംഭവത്തിലാണ് നടനെതിരെ കേസെടുത്തത്.
കൊച്ചിയില്‍ നിന്നും ഗോവയിലേക്കുള്ള യാത്രയ്‌ക്കിടെയായിരുന്നു സംഭവം.ശനിയാഴ്ച വൈകിട്ടാണ് ഗോവയിലേക്ക് പോകുന്നതിനായി ഹൈദരാബാദ് വിമാനത്താവളത്തില്‍ വിനായകനെത്തിയത്. വിമാനത്താവളത്തിലെ വനിതാ സുരക്ഷാ ഉദ്യോഗസ്ഥയോട് മോശമായി പെരുമാറിയെന്നാണ് പൊലീസ് ഭാഷ്യം. ബഹളം കേട്ടാണ് സിഐഎസ്എഫ് ഉദ്യോഗസ്ഥര്‍ സംഭവ സ്ഥലത്തെത്തിയത്. ഇവരോടും വിനായകന്‍ കയര്‍ത്ത് സംസാരിച്ചെന്നാണ് പൊലീസ് പറയുന്നത്. തുടര്‍ന്ന് ഉന്തും തള്ളിലും കലാശിച്ചു. ഇതിന് ശേഷമാണ് സിഐഎസ്എഫ് പൊലീസിനെ വിളിച്ചുവരുത്തിയത്.
പ്രതികരിക്കാൻ ഇവിടെ എഴുതുക: