കൊച്ചി : സൂപ്പര്‍താരം മമ്മൂട്ടിക്ക് ശനിയാഴ്ച എഴുപത്തിമൂന്നാം പിറന്നാളിന്റെ ചെറുപ്പം.ഈ വേളയില്‍ സൂപ്പര്‍താരത്തിന് ആശംസകളുമായി എത്തിയിരിക്കുകയാണ് മറ്റൊരു സൂപ്പര്‍താരം മോഹന്‍ലാല്‍. മമ്മൂട്ടിക്ക് മുത്തം നല്‍കുന്ന ഫോട്ടോയ്‌ക്കൊപ്പം ഹാപ്പി ബര്‍ത്ത് ഡെ ഇച്ചാക്ക എന്ന അടിക്കുറിപ്പാണ് സാമൂഹ്യമാധ്യമത്തില്‍ മോഹന്‍ലാല്‍ നല്‍കിയിരിക്കുന്നത്.
മകനും നടനുമായ ദുല്‍ഖറിനും കുടുംബത്തിനുമൊപ്പം ചെന്നൈയിലായിരുന്നു മമ്മൂട്ടിയുടെ പിറന്നാള്‍ ആഘോഷം. ദുല്‍ഖറിനും പേരക്കുട്ടി മറിയത്തിനും കേക്ക് നല്‍കുന്ന ചിത്രങ്ങള്‍ വൈറലായി.
പ്രിയതാരത്തെ നേരില്‍ക്കണ്ട് പിറന്നാളാശംസകള്‍ നേരാനായി കൊച്ചിയിലെ മമ്മൂട്ടിയുടെ വസതിക്കുമുന്നില്‍ ആരാധകര്‍ തടിച്ചുകൂടിയിരുന്നു. . പങ്കുവച്ചു. കൃത്യം 12 മണിക്ക് വീഡിയോ കോളിലെത്തി ആരാധകര്‍ക്കൊപ്പം തന്റെ സന്തോഷം താരം പങ്കുവച്ചു.
ഗൗതം മേനോന്റെ സംവിധാനത്തിലൊരുങ്ങുന്ന ഡൊമിനിക്ക് ആന്‍ഡ് ദ ലേഡീസ് പഴ്‌സ് എന്ന ചിത്രത്തിലെ തന്റെ ഭാഗങ്ങള്‍ പൂര്‍ത്തിയാക്കിയശേഷമാണ് മമ്മൂട്ടി ചെന്നൈയിലെത്തിയത്. പിറന്നാള്‍ ആഘോഷങ്ങള്‍ കഴിഞ്ഞ് താരം കുടുംബത്തിനൊപ്പം അവധിയാഘോഷിക്കാന്‍
വിദേശത്തേക്ക് പോകും.
പ്രതികരിക്കാൻ ഇവിടെ എഴുതുക: