എറണാകുളം : എല്.കെ.ജി. വിദ്യാര്ഥിനിയെ തട്ടിക്കൊണ്ടുപോകാന് ശ്രമിച്ച കേസില് യുവാവ് പിടിയില്. കണ്ണമാലി പുത്തന്തോട് മണിയാമുഴി വീട്ടില് സച്ചിനെ (29) യാണ് തോപ്പുംപടി പോലീസ് അറസ്റ്റ് ചെയ്തത്.
തോപ്പുംപടിയിലെ സ്കൂളില് വ്യാഴാഴ്ച രാവിലെ ഒന്പതരയോടെയാണ് സംഭവം. സ്കൂളില് എത്തിയ പ്രതി കണ്ണമാലി ചെറിയകടവ് സ്വദേശിയായ കുട്ടിയുടെ പേരാണ് പറഞ്ഞത് . താന് കുട്ടി ജനിച്ചസമയത്ത് വഴക്കിട്ടുപോയ സഹോദരനാണെന്നു പറഞ്ഞാണ് ടീച്ചറെ സമീപിച്ചത്. സംശയം തോന്നിയ ടീച്ചര് കുട്ടിയുടെ മാതാവിന് ഫോണ് ചെയ്യുകയും അന്വേഷിക്കുകയും ചെയ്തു. കുട്ടിക്ക് അങ്ങനെ ഒരു സഹോദരനില്ലെന്ന് കുട്ടിയുടെ മാതാവ് പറഞ്ഞു.
തുടര്ന്ന് ഇങ്ങനെയൊരു കുട്ടി ഇവിടെ പഠിക്കുന്നില്ലെന്ന് ടീച്ചര് പറഞ്ഞതോടെ ഗേറ്റിനുപുറത്ത് കാത്തുനിന്ന ഇയാള് മടങ്ങിപ്പോയി.തുടര്ന്ന് കുട്ടിയുടെ അമ്മയുടെ പരാതിയില് കേസെടുത്ത തോപ്പുംപടി പോലീസ് സി.സി.ടി.വി. ദൃശ്യങ്ങളുടെ അടിസ്ഥാനത്തില് കണ്ണമാലി കേന്ദ്രീകരിച്ച് നടത്തിയ അന്വേഷണത്തിലാണ് പ്രതി പിടിയിലായത്.
