കൊണ്ടഗാവ് : ഛത്തീസ്ഗഡിലെ കൊണ്ടഗാവ് ജില്ലയിലെ വനത്തിൽ നക്സലൈറ്റുകൾ സ്ഥാപിച്ച ആറ് സ്ഫോടകവസ്തുക്കൾ (ഐഇഡി) സുരക്ഷാ ഉദ്യോഗസ്ഥർ കണ്ടെടുത്തു.
വ്യാഴാഴ്ച പട്രോളിംഗിനിറങ്ങിയ ജില്ലാ പോലീസ് സംഘം ധനോര പോലീസ് സ്റ്റേഷൻ പരിധിയിലെ മഡ്ഗാവ് വനത്തിൽ നിന്ന് 4 കിലോ വീതം ഭാരമുള്ള മൂന്ന് ഐഇഡികളും മൂന്ന് കിലോ വീതമുള്ള മൂന്ന് ഐഇഡികളും കണ്ടെടുത്തതായി പോലീസ് സബ് ഡിവിഷണൽ ഓഫീസർ അനിൽ വിശ്വകർമ പറഞ്ഞു.
നക്സലൈറ്റുകൾ സ്ഫോടക വസ്തുക്കൾ നിറച്ച പ്രഷർ കുക്കറുകൾ പൊതിഞ്ഞ് ഭൂമിക്ക് അടിയിൽ ഒളിപ്പിച്ച് സുരക്ഷാ ഉദ്യോഗസ്ഥരെ ആക്രമിഞ്ഞുകയായിരുന്നു ലക്ഷ്യമെന്ന് അദ്ദേഹം പറഞ്ഞു. എന്നാൽ പോലീസിന്റെ ബോംബ് ഡിസ്പോസൽ സ്ക്വാഡ് ഐഇഡികൾ നിർവീര്യമാക്കിയതിനാൽ വൻ ദുരന്തം ഒഴിവായതായി വിശ്വകർമ പറഞ്ഞു.
കൊണ്ടഗാവ് ഉൾപ്പെടെ ഏഴ് ജില്ലകൾ ഉൾപ്പെടുന്ന ബസ്തർ ഡിവിഷനിലെ നക്സൽ വിരുദ്ധ ഓപ്പറേഷനുകളിൽ സുരക്ഷാ സേനയെ ലക്ഷ്യമിട്ട് നക്സലൈറ്റുകൾ പലപ്പോഴും സ്ഫോടകവസ്തുക്കൾ സ്ഥാപിക്കാറുണ്ട്.
