ടെലിവിഷന്‍ റിയാലിറ്റി ഷോയിലൂടെ പ്രേഷക മനം കീഴടക്കിയ ഗായിക ദുര്‍ഗ വിശ്വനാഥ് വീണ്ടും വിവാഹിതയായി. ഗുരുവായൂര്‍ ക്ഷേത്രത്തില്‍ ആയിരുന്നു വിവാഹം.
കണ്ണൂര്‍ സ്വദേശി ഗുരുവായൂര്‍ ദേവസ്വം ജീവനക്കാരന്‍ റിജുവാണ് വരന്‍. രാവിലെ നടന്ന ചടങ്ങില്‍ അടുത്ത ബന്ധുക്കളും സുഹൃത്തുക്കളും പങ്കെടുത്തു.
പച്ച കാഞ്ചീവരം സാരിയില്‍ ആയിരുന്നു ദുര്‍ഗ എത്തിയത്. ദുര്‍ഗയുടെ ആദ്യ ഭര്‍ത്താവ് ബിസിനസുകാരനായ ഡെന്നിസാണ് . ആ ബന്ധത്തില്‍ ഒരു മകളുമുണ്ട്
എന്നാല്‍ ഏതാനും വര്‍ഷങ്ങള്‍ക്ക് മുന്‍പ് ഡെന്നിസുമായി ദുര്‍ഗ വേര്‍പിരിഞ്ഞു. ഐഡിയ സ്റ്റാര്‍ സിംഗര്‍ സീസണ്‍ രണ്ടില്‍ രണ്ടാം സ്ഥാനം ദുര്‍ഗയ്‌ക്കായിരുന്നു. പിന്നെ ചില സിനിമകളില്‍ പിന്നണി ഗായികയായി. സ്റ്റേജ് ഷോകളും മറ്റുമായി തിരക്കിലാണ് ദുര്‍ഗ.
പ്രതികരിക്കാൻ ഇവിടെ എഴുതുക: