തിരുവനന്തപുരം: പി.വി. അന്‍വര്‍ എംഎല്‍എ ഉന്നയിച്ച എല്ലാ ആരോപണങ്ങളും അന്വേഷിക്കാന്‍ ഡിജിപി ഷെയ്ഖ് ദര്‍വേഷ് സാഹിബ് പ്രത്യേക അന്വേഷണ സംഘത്തിന് നിര്‍ദ്ദേശം നല്‍കി. വസ്തുനിഷ്ഠമായി തെളിവുകള്‍ ശേഖരിച്ച് അന്വേഷണം നടത്തണമെന്നാണ് നിര്‍ദ്ദേശം.
ഡിജിപി വിളിച്ചുചേര്‍ത്ത പ്രത്യേക അന്വേഷണ സംഘത്തിന്റെ യോഗത്തിലാണ് തീരുമാനം. രാവിലെയും ഉച്ചയ്‌ക്ക് ശേഷവും രണ്ട് ഘട്ടമായാണ് യോഗം ചേര്‍ന്നത്. അന്‍വര്‍ ഉന്നയിച്ച ആരോപണങ്ങള്‍ വിശദമായി യോഗം ചര്‍ച്ചചെയ്തു.
പ്രാഥമിക അന്വേഷണത്തിന്റെ ഭാഗമായി അന്‍വര്‍ എംഎല്‍എയുടെ മൊഴി രേഖപ്പെടുത്തും. എഡിജിപി എം.ആര്‍. അജിത് കുമാറിന്റെ മൊഴിയും രേഖപ്പെടുത്തും.
ആക്ഷേപം ഉണ്ടാകാത്ത തരത്തില്‍ ആയിരിക്കണം അന്വേഷണമെന്ന് ഡിജിപി യോഗത്തില്‍ പറഞ്ഞു.അന്‍വര്‍ ഉന്നയിച്ച നിരവധി ആരോപണങ്ങളില്‍ ഏതൊക്കെ റാങ്കിലുള്ള ഉദ്യോഗസ്ഥര്‍ ഏതൊക്കെ കാര്യങ്ങള്‍ അന്വേഷിക്കും എന്നത് സംബന്ധിച്ച് പിന്നീട് തീരുമാനം ഉണ്ടാകും.
പ്രതികരിക്കാൻ ഇവിടെ എഴുതുക: