കൊച്ചി: യുവതി ഉന്നയിച്ച ലൈംഗികാരോപണത്തെ തുടര്‍ന്ന് യുവതാരം നിവിന്‍ പോളി ഹൈക്കോടതിയിലേക്ക്. ആരോപണങ്ങള്‍ കള്ളമാണെന്നും എഫ്‌ഐആര്‍ റദ്ദാക്കണമെന്നും ആവശ്യപ്പെട്ടാകും കോടതിയെ സമീപിക്കുക.
കൊച്ചിയിലെ മുതിര്‍ന്ന അഭിഭാഷകനുമായി നിവിന്‍ പോളി കൂടിക്കാഴ്ച നടത്തി. കേസിന്റെ രേഖകളും വിശദാംശങ്ങളും ലഭിക്കാനായി കാത്തിരിക്കുകയാണ് താരം.
ബലാത്സംഗം ഉള്‍പ്പെടെ ഗുരുതര വകുപ്പുകള്‍ ചുമത്തിയാണ് ഊന്നുകല്‍ പൊലീസ് നിവിന്‍ പോളിക്കും മറ്റ് അഞ്ചു പേര്‍ക്കുമെതിരെ എഫ്‌ഐആര്‍ രജിസ്റ്റര്‍ ചെയ്തത്. ആരോപണങ്ങള്‍ പച്ചക്കള്ളമാണെന്നും ഗൂഢാലോചനയുടെ ഭാഗമാണെന്നും താരം ഇന്നലെ രാത്രി നടത്തിയ പത്രസമ്മേളനത്തില്‍ പറഞ്ഞിരുന്നു.
പരാതിക്കാരിക്കെതിരെ നിയമ നടപടി സ്വീകരിക്കുമെന്ന് കേസിലെ രണ്ടാം പ്രതിയായ എ കെ സുനിലും പറഞ്ഞു.
എന്നാല്‍ പരാതിയില്‍ ഉറച്ചുനില്‍ക്കുന്നതായി യുവതി പ്രതികരിച്ചു. തന്നെ അറിയില്ലെന്ന നിവിന്‍ പോളിയുടെ വാദം കള്ളമാണെന്ന് പരാതിക്കാരി പറയുന്നു. നിര്‍മാതാവ് എകെ സുനിലാണ് നിവിനെ പരിചയപ്പെടുത്തിയത്. സിനിമയില്‍ അവസരം വാഗ്ദാനം ചെയ്ത് മയക്കുമരുന്ന് നല്‍കി ദിവസങ്ങളോളം ദുബായില്‍ വച്ച് പീഡിപ്പിച്ചെന്നും പരാതിക്കാരി പറഞ്ഞു.
നേരത്തെ പരാതി നല്‍കിയിട്ടുണ്ട്. ലോക്കല്‍ പൊലീസ് അന്വേഷിച്ചിട്ട് നടപടി ഉണ്ടായില്ല. കോട്ടയത്തുളള ശ്രേയ എന്നയാളാണ് നിവിന്‍ പോളി അടക്കമുളള സംഘത്തെ പരിചയപ്പെടുത്തിയതെന്നും പരാതിക്കാരി പറയുന്നു.
പ്രതികരിക്കാൻ ഇവിടെ എഴുതുക: