ഇടുക്കി: തനിക്കെതിരെ പീഡന ആരോപണം ഉന്നയിച്ച യുവതിയെ അറിയില്ലെന്ന യുവതാരം നിവിന് പോളിയുടെ വാദം കളളമെന്ന് പരാതിക്കാരി.നിവിനെ പരിചയപ്പെടുത്തിയത് നിര്മ്മാതാവ് എ കെ സുനിലാണ്.
മയക്കുമരുന്ന് നല്കി ദിവസങ്ങളോളം പീഡിപ്പിച്ചെന്നും പരാതിക്കാരി പറയുന്നു. സിനിമയില് അവസരം വാഗ്ദാനം ചെയ്താണ് ദുബായില് വച്ച് പീഡിപ്പിച്ചത്. നേരത്തെ പരാതി നല്കിയതാണെങ്കിലും ലോക്കല് പൊലീസ് അന്വേഷിച്ചിട്ട് നടപടി ഉണ്ടായില്ല.വിദേശത്ത് കൊണ്ടു പോകാമെന്ന് വാഗ്ദാനം ചെയ്ത് പണം വാങ്ങിയ കോട്ടയത്തുളള ശ്രേയ എന്നയാളാണ് ഈ സംഘത്തെ പരിചയപ്പെടുത്തിയതെന്നും പരാതിക്കാരി പറയുന്നു.
നിര്മാതാവ് എ കെ സുനില് അടക്കം കേസില് ആറ് പ്രതികളാണുള്ളത്. നിവിന് പോളി ആറാം പ്രതിയാണ്. എന്നാല്, ആരോപണം താരം നിഷേധിച്ചു. പരാതി വ്യാജമാണെന്നും ഈ യുവതിയെ കാണുകയോ സംസാരിക്കുകയോ ചെയ്തിട്ടില്ലെന്നും നിവിന് പോളി പറഞ്ഞു. പരാതിക്ക് പിന്നില് ഗൂഢാലോചന സംശയിക്കുന്നു.കരുതിക്കൂട്ടി അപകീര്ത്തിപ്പെടുത്താന് നടത്തുന്ന ശ്രമമാണ്. അന്വേഷണവുമായി സഹകരിക്കുമെന്നും നിരപരാധിത്വം തെളിയിക്കാന് ഏതറ്റം വരെയും പോകുമെന്നും നിവിന് പോളി വാര്ത്താസമ്മേളനത്തില് പറഞ്ഞു.
