ലണ്ടന്: ഇംഗ്ലണ്ട് ക്രിക്കറ്റ് ടീം ടെസ്റ്റ് പരിശീലകന് ബ്രണ്ടന് മക്കലത്തിന് പരിമിത ഓവര് ക്രിക്കറ്റിന്റെ ചുമതല കൂടി. ഇംഗ്ലണ്ട് ആന്ഡ് വെയ്ല്സ് ക്രിക്കറ്റ് ബോര്ഡ് ഇന്നലെ ഇക്കാര്യം ഔദ്യോഗികമായി സ്ഥിരീകരിച്ചു.
കഴിഞ്ഞ രണ്ട് വര്ഷത്തിലേറെയായി മുന് ന്യൂസിലന്ഡ് താരമായ മക്കല്ലം ഇംഗ്ലണ്ട് ടെസ്റ്റ് ടീമിന്റെ പ്രധാന പരിശീലകനാണ്. അടുത്തിടെ ട്വന്റി20 ലോകകപ്പില് ഇംഗ്ലണ്ടിന് കാര്യമായി മുന്നേറാന് സാധിക്കാതെ വന്നപ്പോള് ടീമിന്റെ പരിമിത ഓവര് പരിശീലകന് മാത്യൂ മോട്ട് രാജിവച്ചിരുന്നു. തുടര്ന്ന് ഇതുവരെ ഏകദിന, ട്വന്റി20 ക്രിക്കറ്റിന് ഇംഗ്ലണ്ടിന്റെ പരിശീലക പദവി ഒഴിഞ്ഞു കിടക്കുകയായിരുന്നു. അതിലേക്കാണ് മക്കലത്തിന് ചുമതല ഏല്പ്പിച്ചിരിക്കുന്നത്. 2025 ജനുവരി മുതലായിരിക്കും മക്കല്ലം ഇംഗ്ലണ്ടിന്റെ വൈറ്റ്ബോള് ക്രിക്കറ്റ് ചുമതല ഏറ്റെടുക്കുക. 2027 വരെ ആണ് കരാര്.
