കൊച്ചി : ടോവിനോ തോമസ് മൂന്ന് വ്യത്യസ്ത വേഷങ്ങള്‍ ചെയ്യുന്ന എആര്‍എമ്മിലെ ആദ്യ ഗാനം പുറത്തിറങ്ങി. ‘കിളിയെ’ എന്ന് തുടങ്ങുന്ന ഗാനത്തിന്റെ വരികള്‍ മനു മഞ്ജിത്തിന്റേതാണ്. സംഗീതം നല്‍കിയത് ദിപു നൈനാന്‍ തോമസ്.
ഗാനം ആലപിച്ചിരിക്കുന്നത് കെ എസ് ഹരിശങ്കറും അനില രാജീവും ചേര്‍ന്നാണ് . ചിത്രം ഈ മാസം 12ന് ഓണം റിലീസായി തിയറ്ററുകളില്‍ എത്തും.
മാജിക് ഫ്രെയിംസിന്റെ ബാനറില്‍ ലിസ്റ്റിന്‍ സ്റ്റീഫനും യുജിഎം മൂവീസിന്റെ ബാനറില്‍ ഡോക്ടര്‍ സക്കറിയ തോമസും സംയുക്തമായാണ് അഞ്ചു ഭാഷകളില്‍ റിലീസ് ചെയുന്ന ഈ ത്രീ ഡി ചിത്രം നിര്‍മിച്ചത് . ‘കന, ചിത്താ’ എന്നീ സിനിമകള്‍ക്ക് ശേഷം ദിപു നൈനാന്‍ തോമസ് സംഗീതം നിര്‍വഹിക്കുന്ന സിനിമയാണ് എആര്‍എം.
കഴിഞ്ഞ മാസം റീലിസ് ചെയ്ത എആര്‍എമ്മിന്റെ ട്രെയ്ലര് സമൂഹമാധ്യമങ്ങളില്‍ തരംഗമായിരുന്നു. നാല് ദിവസം കൊണ്ട് അഞ്ച് ദശലക്ഷം പേരാണ് ട്രെയ്ലര് കണ്ടത്. തമിഴ്, തെലുങ്ക്, മലയാളം ചിത്രങ്ങളിലൂടെ ശ്രദ്ധേയമായ കൃതി ഷെട്ടി, ഐശ്വര്യ രാജേഷ്, സുരഭി ലക്ഷ്മി എന്നിവരാണ് ചിത്രത്തിലെ നായികമാര്‍.
ജഗദീഷ്,ബേസില്‍ ജോസഫ്, ഹരീഷ് ഉത്തമന്‍, ഹരീഷ് പേരടി, കബീര്‍ സിംഗ് , പ്രമോദ് ഷെട്ടി, രോഹിണി എന്നിവരും ചിത്രത്തില്‍ പ്രധാന വേഷങ്ങളിലുണ്ട്. സുജിത് നമ്പ്യാരാണ് ചിത്രത്തിന് തിരക്കഥ രചിച്ചത്. ജോമോന്‍ ടി ജോണ്‍ ആണ് ചായാഗ്രഹണം നിര്‍വഹിക്കുന്നത്.എഡിറ്റിംഗ് -ഷമീര്‍ മുഹമ്മദ്.
പ്രതികരിക്കാൻ ഇവിടെ എഴുതുക: