കോട്ടയം: നായര്‍ സര്‍വീസ് സൊസൈറ്റിക്കെതിരെ സൈബറിടങ്ങളില്‍ ആര്‍എസ്എസ് പ്രചരണം നടത്തുന്നു എന്ന വാര്‍ത്തകള്‍ അടിസ്ഥാന രഹിതമാണെന്ന് ആര്‍എസ്എസ് നേതൃത്വം വ്യക്തമാക്കി.
ഹിന്ദു സമാജത്തിലെ വ്യത്യസ്ത സമുദായങ്ങള്‍ക്കിടയില്‍ വളര്‍ന്നു വരുന്ന ഏകോപനത്തിന്റെ അന്തരീക്ഷം തകര്‍ക്കാന്‍ നടക്കുന്ന സിപി എം – ജിഹാദി കൂട്ടുകെട്ടാണ് ഇതിനു പിന്നില്‍. കുപ്രചരണങ്ങള്‍ നടത്തുന്നവര്‍ക്കെതിരെ നിയമനടപടി സ്വീകരിക്കുമെന്നും കോട്ടയം വിഭാഗ് കാര്യവാഹ് ആര്‍. സാനു പറഞ്ഞു.രക്ഷാബന്ധനം സാഹോദര്യത്തിന്റെ സന്ദേശമാണ് നല്‍കുന്നത്. രാഖി ബന്ധനവുമായി ആര്‍എസ്എസ് നടത്തിയ സമ്പര്‍ക്ക പരിപാടികള്‍ക്ക് വ്യാപകമായ പിന്തുണയാണ് ലഭിച്ചത്. മറിച്ചുള്ള പ്രചരണങ്ങള്‍ തെറ്റാണ്. സമാജത്തില്‍ വളര്‍ന്നു വരുന്ന പൊതു ഉണര്‍വിനെ തകര്‍ക്കാന്‍ രാഷ്‌ട്രീയ ഉദ്ദേശത്തോടെ നടക്കുന്ന നീക്കങ്ങളെ കരുതിയിരിക്കണമെന്നും ആര്‍എസ്എസ് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: