കൊച്ചി: ഇന്ത്യന് ഓയില് കോര്പറേഷന്റെ ചെയര്മാനായി വി. സതീഷ് കുമാര് അധിക ചുമതലയേറ്റു. 2021 ഒക്ടോബര് മുതല് അദ്ദേഹം വഹിച്ചിരുന്ന മാര്ക്കറ്റിങ് ഡയറക്ടര് എന്ന പദവിയുടെ കൂടെയാവും ചെയര്മാന്റെ അധിക ചുമതലയും വഹിക്കുക.
സ്ലോവേനിയയിലെ ലുബ്ലിയാന സര്വകലാശാലയില് നിന്ന് മാനേജ്മെന്റില് ബിരുദാനന്തര ബിരുദം നേടിയ മെക്കാനിക്കല് എന്ജിനീയറാണ് കുമാര്. 35 വര്ഷത്തെ കരിയറില് രാജ്യത്തുടനീളമുള്ള വിവിധ മേഖലകളില് സേവനമനുഷ്ഠിക്കുകയും പ്രധാന സ്ഥാനങ്ങള് വഹിക്കുകയും ചെയ്തിട്ടുള്ള വി. സതീഷ്കുമാര് മള്ട്ടിനാഷണല് ഓയില് കമ്പനികളുമായി ഇടപഴകുന്നതിലും, ഇന്ത്യന് ഓയിലിന്റെയും മലേഷ്യയിലെ പെട്രോണാസിന്റെയും സംയുക്ത സംരംഭമായ ഇന്ത്യന് ഓയില് പെട്രോണാസ് പ്രൈ. ലിമിറ്റഡ്, ഇന്ത്യന് ഓയില് മൗറീഷ്യസ് ലി. എന്നിവയുടെ നോണ് എക്സി. ചെയര്മാനായും ചുമതല വഹിച്ചിട്ടുണ്ട്.
