തിരുവനന്തപുരം: കാരുണ്യ ആരോഗ്യ സുരക്ഷാ പദ്ധതിയില് (കാസ്പ്) പ്രാദേശികമായി സംഘടിപ്പിക്കുന്ന ക്യാമ്പുകള് മുഖേന പുതിയ അംഗങ്ങളെ ചേര്ക്കുന്നുവെന്നും, കാര്ഡ് പുതുക്കി നല്കുന്നുവെന്നും, തെറ്റായ സന്ദേശം പ്രചരിപ്പിച്ച് വ്യാജ കാര്ഡ് പ്രിന്റ് ചെയ്ത് നല്കി പണം തട്ടുന്നതിനെതിരെ ജാഗ്രത പാലിക്കണമെന്ന് സര്ക്കാര് മുന്നറിയിപ്പു നല്കി.
വ്യാജമായി പേര് ചേര്ക്കുന്നവര്ക്കെതിരെ കര്ശന നടപടി സ്വീകരിക്കുമെന്ന് ആരോഗ്യവകുപ്പ് വ്യക്തമാക്കി. ഇത്തരം കാര്ഡുകള് ഉപയോഗിച്ചാല് ചികിത്സാ ആനുകൂല്യം ലഭിക്കില്ല. പദ്ധതിയില് അംഗങ്ങളായ 581 സര്ക്കാര്, സ്വകാര്യ ആശുപത്രികളിലൂടെയാണ് സൗജന്യ ചികിത്സ ലഭ്യമാക്കി വരുന്നത്. ഇത്തരത്തില് എംപാനല് ചെയ്ത ആശുപത്രികളില് സജ്ജമാക്കിയിട്ടുള്ള കാസ്പ് കിയോസ്ക്കുകള് മുഖേന മാത്രമാണ് പദ്ധതിയുടെ അനുബന്ധ സേവനങ്ങള് ലഭ്യമാകുന്നത്.
പദ്ധതിയില് ഗുണഭോക്താക്കളെ പുതുതായി ഉള്പെടുത്താനോ കാര്ഡ് പ്രിന്റ് ചെയ്ത് നല്കാനോ പദ്ധതി നടത്തിപ്പ് ചുമതലയുള്ള സ്റ്റേറ്റ് ഹെല്ത്ത് ഏജന്സിയോ സര്ക്കാരോ മറ്റാരേയും ചുമതലപ്പെടുത്തിയിട്ടില്ലെന്ന് മന്ത്രി അറിയിച്ചു. ഇത്തരം ഏജന്സികള് നടത്തുന്ന നിയമവിരുദ്ധമായ എന്റോള്മെന്റ് ക്യാമ്പുകളില് പങ്കെടുക്കരുത്. പണം നല്കി കാര്ഡ് പ്രിന്റ് ചെയ്ത് വഞ്ചിക്കപ്പെടാതിരിക്കാന് ശ്രദ്ധിക്കണമെന്നും മന്ത്രി അറിയിച്ചു.
കാരുണ്യ ആരോഗ്യസുരക്ഷാ പദ്ധതിയില് ആളെ ചേര്ക്കാന് ക്യാമ്പുകള്: വ്യാജസന്ദേശങ്ങളില് വീഴരുത്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.