കൊച്ചി : ലൈംഗിക അതിക്രമങ്ങള്‍ തനിക്ക് നേരെ ഉണ്ടായിട്ടില്ലെന്ന് നടി വിന്‍സി അലോഷ്യസ്.പറഞ്ഞ വേതനം ലഭിക്കാത്ത സാഹചര്യം ഉണ്ടായിട്ടുണ്ട്. കോണ്‍ട്രാക്ട് ഇല്ലാതെ സിനിമയില്‍ അഭിനയിക്കേണ്ടി വന്നിട്ടുണ്ടെന്നും നടി വെളിപ്പെടുത്തി.
പവര്‍ ഗ്രൂപ്പ് ഉളളതായി അനുഭവപ്പെട്ടിട്ടില്ല. എന്നാല്‍ ഒരു ആധിപത്യം അനുഭവപ്പെട്ടിട്ടുണ്ട്. പ്രസ്തുത നടന്‍ അല്ലെങ്കില്‍ ഡയറക്ടര്‍ എന്ന നിലയിലാണ് ആധിപത്യം.
ഹേമ കമ്മറ്റി റിപ്പോര്‍ട്ട് പുറത്തു വരുമ്പോഴാണ് തങ്ങളും ആ നീതികേടിന് കീഴിലാണെന്ന് വെളിവായതെന്ന് വിന്‍സി അലോഷ്യസ് പറഞ്ഞു. ഹേമ കമ്മിറ്റി റിപ്പോര്‍ട്ടിലെ സത്യാവസ്ഥ പുറത്തുവരാന്‍ കാത്തിരിക്കുയാണ്. സിനിമയില്‍ എതിര്‍ത്ത് പറയുന്നവരെ മാറ്റി നിര്‍ത്തുന്ന സമീപനമുണ്ടായിട്ടുണ്ട്. ചില കാര്യങ്ങള്‍ ചോദ്യം ചെയ്തപ്പോള്‍ നീ വന്നിട്ട് അഞ്ച് വര്‍ഷം ആയിട്ടേയുളളൂവെന്ന് പറഞ്ഞു. പ്രൊഡക്ഷന്‍ കണ്‍ട്രോളറുടെ നേതൃത്വത്തിലാണ് മലയാള സിനിമയില്‍ പലതും നടക്കുന്നത്.
അവകാശങ്ങള്‍ ചോദിച്ചു വാങ്ങുമ്പോള്‍ അപവാദങ്ങള്‍ പറഞ്ഞു പരത്തും. അതുവഴി സിനിമ ഇല്ലാതാവുന്നു. അതാണ് താന്‍ ഇപ്പോള്‍ അനുഭവിക്കുന്നതെന്നും നടി വെളിപ്പെടുത്തി. സിനിമയില്‍ തനിക്ക് ഒരു ഇടവേള ഉണ്ടായത് അവകാശങ്ങളെ കുറിച്ച് ചോദിച്ചത് കൊണ്ടാകാം എന്നും നടി പറഞ്ഞു.
പ്രതികരിക്കാൻ ഇവിടെ എഴുതുക