ബാഗ്ദാദ് : 15 ഓളം ഐഎസ് ഭീകരരെ വധിച്ച് യുഎസ് . ഇറാഖിൽ നടന്ന സൈനിക നടപടിയ്‌ക്കിടെ ആറ് യുഎസ് സൈനികർക്ക് പരിക്കേറ്റതായി മൂന്ന് യുഎസ് പ്രതിരോധ ഉദ്യോഗസ്ഥർ പറഞ്ഞു. യു.എസ് സൈനികർക്ക് ഉണ്ടായ പരിക്കുകളൊന്നും സാരമുള്ളതല്ലെന്നാണ് സൂചന .
പടിഞ്ഞാറൻ ഇറാഖിലെ അൻബറിലാണ് സൈനിക ഓപ്പറേഷൻ നടന്നത് . ഐഎസിലെ നേതൃനിരയിലുണ്ടായിരുന്നവരാണ് കൊല്ലപ്പെട്ടവരിൽ ചിലർ. ഇറാഖി സുരക്ഷാ സേനയുമായി ചേർന്നാണ് പങ്കാളിത്തത്തോടെയുള്ള റെയ്ഡ് നടത്തിയതെന്ന് യുഎസ് സെൻട്രൽ കമാൻഡ് പ്രസ്താവനയിൽ പറഞ്ഞു.
ഐഎസ് പ്രവർത്തകർ “നിരവധി ആയുധങ്ങളും ഗ്രനേഡുകളും സ്ഫോടനാത്മക ‘ആത്മഹത്യ’ ബെൽറ്റുകളും ഉപയോഗിച്ച് സായുധരായിരുന്നു,” എന്നും യുഎസ് സെൻട്രൽ കമാൻഡ് പ്രസ്താവനയിൽ പറഞ്ഞു. ഈ ഓപ്പറേഷൻ ഇറാഖി പൗരൻന്മാർക്കും യു.എസ് പൗരന്മാർക്കും സഖ്യകക്ഷികൾക്കും പങ്കാളികൾക്കും എതിരെ ആക്രമണങ്ങൾ ആസൂത്രണം ചെയ്യാനും സംഘടിപ്പിക്കാനും നടത്താനുമുള്ള ഐഎസിന്റെ കഴിവിനെ തടസ്സപ്പെടുത്തുമെന്നും യുഎസ് സൈനികർ പറയുന്നു.
പ്രതികരിക്കാൻ ഇവിടെ എഴുതുക: