കോഴിക്കോട്: കോഴിക്കോട് സില്വര് ഹില്സ് ഹയര്സെക്കന്ഡറി സ്കൂളില് നടക്കുന്ന 16-ാമത് അഖിലേന്ത്യാ ഇന്റര് സ്കൂള് ബാസ്ക്കറ്റ് ബോള് ടൂര്ണമെന്റില് മോണിംഗ് സ്റ്റാര് ഗുഡ്ലൂരിനെ (33-17) പരാജയപ്പെടുത്തി ഗ്രൂപ്പ് എയില് ഒന്നാം സ്ഥാനത്തെത്തി സില്വര് ഹില് പെണ്കുട്ടികള് സെമിഫൈനലില് പ്രവേശിച്ചു.
ആണ്കുട്ടികളുടെ വിഭാഗത്തില് ആതിഥേയരായ സില്വര് ഹില്സ് എച്ച്.എസ്.എസ് കോഴിക്കോട്, ദി ഓക്സ്ഫോര്ഡ് സ്കൂള് കൊല്ലം, പി.എച്ച്.എസ്.എസ്. പന്തല്ലൂര്, സെന്റ് ജോസഫ്സ് എച്ച്.എസ്.എസ്. തിരുവനന്തപുരം, സില്വര് ഹില്സ് പബ്ലിക് സ്കൂള് കോഴിക്കോട്, വേലമ്മാള് മെട്രിക്കുലേഷന് ഹയര് സെക്കന്ററി സ്കൂള് ചെന്നൈ, ഭഗീരഥ് പബ്ലിക് സ്കൂള് ഉത്തര്പ്രദേശ്, ലൂര്ദ്ദ് പബ്ലിക് സ്കൂള് കോട്ടയം എന്നീ ടീമുകള് ക്വാര്ട്ടര് ഫൈനലില് പ്രവേശിച്ചു.
ക്വാര്ട്ടര് ഫൈനല് മത്സരങ്ങള് രാവിലെയും, സെമി ഫൈനല് മത്സരങ്ങള് വൈകീട്ടും നടക്കും. അണ്ടര് 19 ആണ്കുട്ടികള് ലൂര്ദ്ദ് പബ്ലിക് സ്കൂള് കോട്ടയം, ഭഗീരഥ് പബ്ലിക് സ്കൂള് ഉത്തര്പ്രദേശിനെ (33-32) തോല്പ്പിച്ചു. വേലമ്മാള് മെട്രിക്കുലേഷന് എച്ച്.എസ്.എസ്. ചെന്നൈ, ഭാരതീയ വിദ്യാഭവന് ചേവായൂരിനെയും(50 19) തോല്പ്പിച്ചു.
