തിരുവനന്തപുരം: യുവനടിയുടെ പരാതിയുടെ അടിസ്ഥാനത്തില്‍ കേസെടുത്തതിന്റെ പകര്‍പ്പും എഫ്‌ഐആറും ആവശ്യപ്പെട്ട് നടന്‍ സിദ്ദിഖ് കോടതിയെ സമീപിച്ചു. ഒന്നാം ക്ലാസ് മജിസ്‌ട്രേറ്റ് കോടതിയിലാണ് നടന്‍ അപേക്ഷ സമര്‍പ്പിച്ചത്.
സിദ്ദിഖിനെതിരായ പരാതിക്കാരിയുടെ രഹസ്യ മൊഴി മജിസ്‌ട്രേറ്റ് രേഖപ്പടുത്തി.
അതേസമയം പീഡനം നടന്നെന്ന് നടി പറയുന്ന തിരുവനന്തപുരം മസ്‌കറ്റ് ഹോട്ടലിലെ രേഖകള്‍ അന്വേഷണസംഘം പരിശോധിച്ചു.കന്റോണ്‍മെന്റ് അസിസ്റ്റന്റ് കമ്മീഷണറുടെ നേതൃത്വത്തില്‍ നടത്തിയ പരിശോധനയില്‍ നിര്‍ണായക തെളിവുകള്‍ ലഭിച്ചതായാണ് വിവരം. മസ്‌കറ്റ് ഹോട്ടലില്‍ ഒരേ സമയം ഇരുവരും ഉണ്ടായിരുന്നതിന്റെ വിവരങ്ങളാണ് പൊലീസിന് കിട്ടിയത്.
മസ്‌കറ്റ് ഹോട്ടലില്‍ വെച്ച് 2016ല്‍ സിദ്ദിഖ് തന്നെ ബലാത്സംഗം ചെയ്‌തെന്നാണ് നടിയുടെ പരാതി. 2016 ജനുവരിയിലെ രജിസ്റ്റര്‍ അടക്കം രേഖകളാണ് പൊലീസ് ശേഖരിച്ചത്.
2016ല്‍ സിദ്ദിഖിന്റെ സിനിമയുടെ പ്രിവ്യൂ നിള തിയേറ്ററില്‍ നടന്നു. അതിനുശേഷം സിനിമാ ചര്‍ച്ചയ്‌ക്കായി സിദ്ദിഖ് ക്ഷണിച്ചെന്നും റിസപ്ഷനില്‍ ആരെ കാണുന്നു എന്നതടക്കം എഴുതി ഒപ്പുവെച്ച ശേഷമാണ് മുറിയിലേക്ക് പോയതെന്നുമാണ് പരാതിക്കാരിയുടെ മൊഴി.
പരാതിക്കാരിയെ തിരുവനന്തപുരത്ത് വച്ച് കണ്ടിരുന്നതായി സിദ്ദിഖ് സമ്മതിച്ചിട്ടുണ്ട്
പ്രതികരിക്കാൻ ഇവിടെ എഴുതുക: