കൊല്‍ക്കത്ത: ആര്‍ ജി കാര്‍ മെഡിക്കല്‍ കോളേജിലെ പി ജി വിദ്യാര്‍ത്ഥിനിയായ ഡോക്ടര്‍ പീഡനത്തിനായി കൊല്ലപ്പെട്ട കേസില്‍ പ്രതി സഞ്ജയ് റോയ് ഓടിച്ചിരുന്നത് സിറ്റി പോലീസ് കമ്മീഷണറുടെ പേരില്‍ രജിസ്റ്റര്‍ ചെയ്ത ബൈക്കാണെന്ന് ബിജെപി ഐടി മേധാവി സെല്‍ മേധാവി അമിത് മാളവ്യ. കൊല്ലപ്പെട്ട ഡോക്ടര്‍ക്ക് ആശുപത്രിയിലെ മരുന്ന് മാഫിയയെ കുറിച്ച് അറിവുണ്ടായിരിക്കാം. ഇതാവാം കൊലപാതകത്തിലേക്ക് നയിച്ചത്. വന്‍ റാക്കറ്റിന് ഇതുമായി ബനധമുണ്ടാകാന്‍ സാധ്യതയുണ്ട്. ഇതിനാല്‍ മുഖ്യമന്ത്രിയെയും സിറ്റി പോലീസ് കമ്മീഷണറെയും കസ്റ്റഡിയിലെടുത്ത് ചോദ്യം ചെയ്യണമെന്നും അമിത് മാളവ്യ ആവശ്യപ്പെട്ടു. അതേസമയം നഗരത്തിലെ പോലീസ് വാഹനങ്ങള്‍ സിറ്റി പോലീസ് കമ്മീഷണറുടെ പേരിലാണ് രജിസ്റ്റര്‍ ചെയ്യുന്നതെന്നും കൊല്‍ക്കത്ത പോലീസിന്റെ സിവിക് വോളണ്ടിയറായിരുന്നു കൊലക്കേസ് പ്രതിയെന്നുമാണ് ഇക്കാര്യത്തില്‍ പൊലീസിന്‌റെ വിശദീകരണം.
പ്രതികരിക്കാൻ ഇവിടെ എഴുതുക: