ന്യൂഡൽഹി : ഇന്ത്യാ വിരുദ്ധ മനോഭാവം മൂലം മാലദ്വീപിന്റെ ടൂറിസം വ്യവസായം നഷ്ടത്തിലായതായി റിപ്പോർട്ട് . ഇന്ത്യാ വിരുദ്ധ നിലപാടിനെ തുടർന്ന് മാലദ്വീപ് സന്ദർശിക്കുന്ന ഇന്ത്യൻ വിനോദസഞ്ചാരികളുടെ എണ്ണത്തിൽ 41% വരെ കുറവുണ്ടായി. അതിനിടെ ലക്ഷദ്വീപിലേക്ക് പോകുന്ന ഇന്ത്യക്കാരുടെ എണ്ണം ഇരട്ടിയായി. പ്രധാനമന്ത്രി മോദിയുടെ ലക്ഷദ്വീപ് പ്രചാരണവും ഇക്കാര്യത്തിൽ സ്വാധീനം ചെലുത്തിയിട്ടുണ്ട്.
മാലിദ്വീപ് ടൂറിസം മന്ത്രാലയത്തിന്റെ റിപ്പോർട്ട് അനുസരിച്ച്, 2024 ഏപ്രിൽ മുതൽ ജൂലൈ വരെ മാലദ്വീപ് സന്ദർശിക്കുന്ന ഇന്ത്യക്കാരുടെ എണ്ണം കഴിഞ്ഞ വർഷത്തെ അപേക്ഷിച്ച് പകുതിയായി കുറഞ്ഞു. മാലിദ്വീപ് ടൂറിസം മന്ത്രാലയത്തിന്റെ കണക്കുകൾ പ്രകാരം 2023 ജനുവരി മുതൽ ജൂലൈ വരെ ഇന്ത്യയിൽ നിന്ന് 1.22 ലക്ഷം വിനോദസഞ്ചാരികൾ മാലിദ്വീപിൽ എത്തിയിരുന്നു.
എന്നാൽ 2024 ജനുവരി മുതൽ ജൂലൈ വരെയുള്ള കാലയളവിൽ ഇത് 71,600 ആയി കുറഞ്ഞു. 2023 ജനുവരി-ജൂലൈ കാലയളവിൽ മാലിദ്വീപിലേക്കുള്ള വിനോദസഞ്ചാരികൾ ഏറ്റവും കൂടുതൽ ഇന്ത്യയിൽ നിന്നായിരുന്നു . അതേസമയം ചൈന വഴി ഇന്ത്യൻ വിനോദസഞ്ചാരികളുടെ എണ്ണം കുറയുന്നത് മൂലമുണ്ടായ നഷ്ടം നികത്താനുള്ള ശ്രമത്തിലാണ് മാലിദ്വീപ്. 2024ൽ ചൈനയിൽ നിന്ന് മാലദ്വീപിൽ എത്തുന്ന വിനോദസഞ്ചാരികളുടെ എണ്ണത്തിൽ 59 ശതമാനം വർധനവുണ്ടായി. 2023-ൽ (ജനുവരി-ജൂലൈ) ചൈനയിൽ നിന്ന് ഏകദേശം 92,391 വിനോദസഞ്ചാരികൾ എത്തി. 2024-ൽ (ജനുവരി-ജൂലൈ) ഈ എണ്ണം 1.59 ലക്ഷമായി ഉയർന്നു.
അതേസമയം ലക്ഷദ്വീപിലേക്ക് വിനോദസഞ്ചാരികളുടെ ഒഴുക്ക് വർദ്ധിച്ചുകൊണ്ടിരിക്കുകയാണ്. കണക്കുകൾ പ്രകാരം ലക്ഷദ്വീപിലെ അഗത്തി വിമാനത്താവളത്തിലേക്ക് പോകുന്ന വിമാനങ്ങളുടെ എണ്ണം കഴിഞ്ഞ വർഷത്തെ അപേക്ഷിച്ച് ഇരട്ടിയായി.കഴിഞ്ഞ വർഷം ഏപ്രിൽ മുതൽ ജൂൺ വരെയുള്ള കാലയളവിൽ 418 വിമാനങ്ങൾ അഗത്തി വിമാനത്താവളത്തിൽ എത്തിയിരുന്നു. 2024 ഏപ്രിൽ മുതൽ ജൂൺ വരെയുള്ള കാലയളവിൽ ഇത് 786 ആയി ഉയർന്നു. ഏപ്രിൽ മുതൽ ജൂൺ വരെയുള്ള കാലയളവിൽ ലക്ഷദ്വീപിലെത്തിയ വിനോദസഞ്ചാരികളുടെ എണ്ണം 22,890 ആണ്. കഴിഞ്ഞ വർഷം ഇതേ കാലയളവിൽ 11,074 പേരാണ് ലക്ഷദ്വീപിൽ എത്തിയത് .
പ്രതികരിക്കാൻ ഇവിടെ എഴുതുക: