വീട് കുത്തിതുറന്ന് പത്തരപ്പവൻ സ്വർണ്ണം കവർന്ന പ്രതികൾ പിടിയിൽ

ആലുവ : വീട് കുത്തിതുറന്ന് പത്തരപ്പവൻ സ്വർണ്ണം മോഷ്ടിച്ച കേസിൽ രണ്ട് പേർ പിടിയിൽ. നോർത്ത് പറവൂർ ചെറിയ പല്ലംതുരുത്ത് സ്വദേശികളായ കളത്തിപ്പറമ്പിൽ അൻസിൽ (23), കളത്തിപ്പറമ്പിൽ അമർനാഥ് (19) എന്നിവരെയാണ് ഞാറക്കൽ പോലീസ് അറസ്റ്റ് ചെയ്തത്.

ലൈറ്റ് ഹൗസ് കോളനിപുതുവൽ റോഡിന് സമീപമുള്ള വീടിന്റെ പിൻഭാഗത്തെ പൂട്ട് പൊളിച്ച് അകത്തു കയറി കിടപ്പുമുറിയിലെ ലോക്കർ തകർത്താണ് മോഷണം നടത്തിയത്.

ഇൻസ്പെക്ടർ സുനിൽ തോമസ്, എസ്ഐമാരായ അനിൽകുമാർ, ഷാഹിർ എ.എസ്.ഐ ആൻ്റണി ജെയ്സൻ, സീനിയർ സിപിഒ മാരായ പ്രീജൻ, ഉമേഷ്, മിറാഷ് ,സിപിഒ മാരായ നിഖിലേഷ്, സുമേഷ് കുമാർ എന്നിവരാണ് അന്വേഷണ സംഘത്തിലുള്ളത്.