ഗാസിയാബാദ് (ഉത്തര്പ്രദേശ്): മതംമാറിയെന്ന് കബളിപ്പിച്ച് വനിതാ ഡോക്ടറെ വിവാഹം ചെയ്ത ഇസ്ലാമിസ്റ്റ് അറസ്റ്റില്. ഉത്തര്പ്രദേശിലെ ഗാസിയാബാദിലാണ് സംഭവം. ഷാജഹാന്പൂരുകാരന് ഡോ. അബ്ദുള് റഹ്മാനാണ് ഒഡീഷയില് നിന്നുള്ള വനിതാ ഡോക്ടറെ കല്യാണം കഴിക്കാന് ഹിന്ദുധര്മത്തിലേക്ക് മാറിയെന്ന് കൃത്രിമ രേഖയുണ്ടാക്കിയത്. ഒരു കുട്ടിയുണ്ടായതോടെ ഇയാള് കുടുംബത്തെയടക്കം ഇസ്ലാമാക്കാന് ശ്രമിച്ചതോടെയാണ് ഭാര്യ പരാതി നല്കിയത്.
ഉക്രൈനില് നിന്ന് മെഡിക്കല് ബിരുദം പൂര്ത്തിയാക്കിയ യുവതി ഭാരതത്തില് മടങ്ങിയെത്തി നോയിഡയിലെ സ്വകാര്യ ആശുപത്രി ജോലി ചെയ്യവേയാണ് അബ്ദുര് റഹ്മാന് വിവാഹാഭ്യര്ത്ഥനയുമായെത്തുന്നത്. ഹിന്ദുമതം സ്വീകരിച്ചുവെന്ന് ബോധ്യപ്പെടുത്തി 2018 ഒക്ടോബര് 15ന് വിവാഹം കഴിച്ചു. 2021ല് അവരുടെ മകന് ജനിച്ചപ്പോള് അലി എന്ന് പേരിടാന് ഇയാള് നിര്ബന്ധിച്ചു. സുന്നത്തിന് നിര്ബന്ധിച്ചതോടെയാണ് ഇയാള്ക്കെതിരെ പരാതിയുമായി യുവതി രംഗത്തെത്തിയത്. മതം മാറണമെന്ന നിര്ബന്ധം തുടര്ന്നതോടെ യുവതിയുടെ അമ്മ ഉത്തര്പ്രദേശ് മുഖ്യമന്ത്രി യോഗി ആദിത്യനാഥിന്റെ ഓഫീസിലെത്തി പരാതി നല്കുകയായിരുന്നു. തുടര്ന്നാണ് അറസ്റ്റുണ്ടായത്.
