പാലക്കാട്: ജില്ലയില് രണ്ടിടങ്ങളിലായി കഞ്ചാവ് ഉപേക്ഷിക്കപ്പെട്ട നിലയില് കണ്ടെത്തി. ആറ് കിലോ കിലോ കഞ്ചാവാണ് ഉപേക്ഷിക്കപ്പെട്ട നിലയില് കണ്ടെത്തിയത്. തൃത്താല പടിഞ്ഞാറങ്ങാടിയില് രണ്ടര കിലോയും ചാലിശ്ശേരിയിലും കോതച്ചിറയില് നാല് കിലോ കഞ്ചാവുമാണ് കണ്ടെത്തിയത്. സംഭവത്തില് തൃത്താല, ചാലിശ്ശേരി പൊലീസ് അന്വേഷണം ആരംഭിച്ചു.
ഒരേ സമയം രണ്ടിടങ്ങളിലായാണ് ഉപേക്ഷിച്ച നിലയില് കഞ്ചാവ് കെട്ടുകള് കണ്ടെത്തിയത്. പടിഞ്ഞാറങ്ങാടി മാവിന് ചുവടില് റോഡരികിലെ തട്ടുകടക്ക് സമീപത്തായി നാട്ടുകാരാണ് ഉപേക്ഷിച്ച നിലയില് ഒരു ബാഗ് കാണുന്നത്. ബാഗിന്റെ അവകാശിയെ കണ്ടെത്താന് കഴിയാത്തതിനെ തുടര്ന്ന് തൃത്താല പോലീസില് വിവരമറിച്ചു. പോലീസ് നടത്തിയ പരിശോധനയിലാണ് മൂന്ന് പൊതികളിലായുള്ള രണ്ടര കിലോ കഞ്ചാവ് കണ്ടെടുത്തത്.
എതാണ്ട് ഇതേസമയം കോതച്ചിറ – അലിക്കര റോഡില് നിന്നും മറ്റൊരു ബാഗ് കണ്ടെത്തി. തൃത്താലയില് കണ്ടെത്തിയതിന് സമാനമായ രീതിയില് ബാഗിനകത്ത് പൊതികളാക്കി അടുക്കിവെച്ച നിലയിലായിരുന്ന് കഞ്ചാവ് കെട്ടുകള്. ഇന്ന് രാവിലെ ഈ ഭാഗത്ത് ലഹരിവിരുദ്ധ സ്ക്വാഡിന്റെ നേതൃത്വത്തില് പ്രത്യേക പരിശോധന നടത്തിയിരുന്നു. ഉദ്യോഗസ്ഥരെ കണ്ട് ലഹരി വില്പ്പനക്കാര് കഞ്ചാവ് ഉപേക്ഷിച്ച് കടന്നതാവാമെന്നാണ് പോലീസിന്റെ പ്രാഥമിക നിഗമനം. ബാഗ് ഉപേക്ഷിച്ചവരെ കണ്ടെത്താനുള്ള അന്വേഷണം ശക്തമാക്കിയതായി പൊലീസ് അറിയിച്ചു.
