വികസിത ഇന്ത്യക്ക് എല്ലാവർക്കും പ്രാപ്യമായ നീതിയുടെ ഉറപ്പ് പ്രധാനമാണ്: പ്രധാനമന്ത്രി മോദി

ജയ്പൂർ: വികസിത ഇന്ത്യ എന്ന സ്വപ്നത്തിലേക്ക് രാജ്യം നീങ്ങുമ്പോൾ എല്ലാവർക്കും ലളിതവും വേഗത്തിൽ സമീപിക്കാൻ സാധിക്കുന്നതുമായ നീതിയുടെ ഉറപ്പ് പ്രധാനമാണെന്ന് പ്രധാനമന്ത്രി നരേന്ദ്ര മോദി. ജോധ്പൂരിൽ രാജസ്ഥാൻ ഹൈക്കോടതിയുടെ പ്ലാറ്റിനം ജൂബിലി ആഘോഷത്തിൽ സംസാരിക്കവെയാണ് അദ്ദേഹം നീതിയെക്കുറിച്ച് വാചാലനായത്.

മതേതര സിവിൽ കോഡിനെക്കുറിച്ചുള്ള തന്റെ സ്വാതന്ത്ര്യദിന പരാമർശത്തെ മോദി പരാമർശിക്കുകയും പതിറ്റാണ്ടുകളായി ജുഡീഷ്യറി ഇതിന് വേണ്ടി വാദിക്കുന്നുണ്ടെന്നും അദ്ദേഹം പറഞ്ഞു. വികസിത ഇന്ത്യ എന്ന സ്വപ്നവുമായി മുന്നോട്ട് പോകുമ്പോൾ, എല്ലാവർക്കും ലളിതവും എളുപ്പവും സമീപിക്കാവുന്നതുമായ നീതിയുടെ ഉറപ്പ് ഉണ്ടായിരിക്കണം. ഇത് വളരെ പ്രധാനമാണെന്നും അദ്ദേഹം പറഞ്ഞു.

ഇന്ന് ജനങ്ങളുടെ സ്വപ്നങ്ങളും അവരുടെ അഭിലാഷങ്ങളും വലുതാണ്, അതിനാൽ നമ്മുടെ സംവിധാനങ്ങൾ നവീകരിക്കേണ്ടത് പ്രധാനമാണെന്നും പ്രധാനമന്ത്രി പറഞ്ഞു.