മേടക്കൂറ്: അശ്വതി, ഭരണി, കാര്‍ത്തിക (¼)
കലാരംഗത്ത് പ്രവര്‍ത്തിക്കുന്നവര്‍ക്ക് അവാര്‍ഡും മറ്റും ലഭിക്കും. പലചരക്ക് കട നടത്തുന്നവര്‍ക്ക് കിട്ടാനുള്ള ധനം കിട്ടാന്‍ താമസം നേരിടും. മരുന്ന് കച്ചവടവുമായി ബന്ധപ്പെട്ട് പുരോഗതിയുണ്ടാകും. മാസത്തിന്റെ രണ്ടാം പകുതി ഗുണം ചെയ്യും.
ഇടവക്കൂറ്: കാര്‍ത്തിക (¾), രോഹിണി, മകയിരം (½)
ആവശ്യമില്ലാത്ത കാര്യങ്ങളിലിടപെടാതിരിക്കാന്‍ ശ്രദ്ധിക്കണം. മേലധികാരികളെ അനുസരിക്കാന്‍ പ്രത്യേകം ശ്രദ്ധിക്കണം. ക്രയവിക്രയങ്ങള്‍ തൃപ്തികരമായിരിക്കയില്ല. പാഴ്‌ച്ചെലവുകള്‍ വര്‍ധിക്കും. ഔദ്യോഗിക രംഗത്ത് പ്രതിസന്ധികള്‍ നേരിടും. സര്‍ക്കാര്‍ ആനുകൂല്യങ്ങള്‍ ലഭിക്കും.
മിഥുനക്കൂറ്: മകയിരം (½), തിരുവാതിര, പുണര്‍തം (¾)
പുതിയ ബിസിനസ്സില്‍ വിജയം ഉണ്ടാകും. ഉദ്യോഗസ്ഥര്‍ക്ക് ജോലിയില്‍ ചില പ്രശ്‌നങ്ങള്‍ ഉദിച്ചു വരും. തടസ്സപ്പെട്ട് കിടക്കുന്ന സര്‍ക്കാര്‍ ആനുകൂല്യങ്ങള്‍ ഫലപ്രാപ്തിയിലെത്തും. സ്വന്തമായി വീട്, വാഹനം എന്നിവ അധീനതയില്‍ വരും.
കര്‍ക്കടകക്കൂറ്: പുണര്‍തം (¼), പൂയം, ആയില്യം
പത്രപ്രവര്‍ത്തകര്‍, കൃഷിക്കാര്‍ എന്നിവര്‍ക്ക് ധനലാഭമുണ്ടാകും. കുടുംബത്തില്‍ സമാധാനം നഷ്ടപ്പെട്ടേക്കും. സന്താനങ്ങളുടെ അഭിവൃദ്ധിക്കുവേണ്ടി പ്രവര്‍ത്തിക്കും. ചില പഴയ സുഹൃത്തുക്കളെ കണ്ടുമുട്ടാനിടയുണ്ട്. വിദ്യാഭ്യാസ കാര്യങ്ങളില്‍ മുന്നേറ്റമുണ്ടാകും.
ചിങ്ങക്കൂറ്: മകം, പൂരം, ഉത്രം (¼)
ഉദ്യോഗസ്ഥര്‍ക്ക് സ്ഥലമാറ്റം ലഭിക്കും. വിദ്യാഭ്യാസ കാര്യങ്ങളില്‍ അലസത വര്‍ധിക്കും. കുടുംബത്തില്‍ സമാധാനാന്തരീക്ഷം നിലനില്‍ക്കുന്നതാണ്. ക്രയവിക്രയങ്ങളില്‍ നിന്ന് വന്‍ ലാഭം ലഭിക്കുന്നതാണ്. ഗൃഹോപകരണങ്ങളും ആഡംബര വസ്തുക്കളും അധീനതയില്‍ വരും.
കന്നിക്കൂറ്: ഉത്രം (¾), അത്തം, ചിത്തിര (½)
തൊഴില്‍ മേഖലയില്‍ പ്രശ്‌നങ്ങള്‍ വന്നുചേരും. മനഃസുഖം കുറയും. പദ്ധതികളും ആഗ്രഹങ്ങളും നിറവേറാന്‍ കാലതാമസം നേരിടും. ബന്ധുക്കള്‍ സുഹൃത്തുക്കള്‍ എന്നിവരുമായി ധനകാര്യ പ്രവര്‍ത്തനങ്ങളില്‍ ഏര്‍പ്പെടേണ്ടിവരും.
തുലാക്കൂറ്: ചിത്തിര (½), ചോതി, വിശാഖം (¾)
പൂര്‍വ്വിക സ്വത്ത് അധീനതയില്‍ വന്നുചേരും. പ്രമാണങ്ങളില്‍ ഒപ്പുവയ്‌ക്കുമ്പോള്‍ ശ്രദ്ധിക്കേണ്ടതാണ്. പലവിധ പ്രയാസങ്ങളും അതിജീവിച്ച് മുന്നേറുന്ന സമയമാണ്. ലോണുകള്‍ പെട്ടെന്ന് ശരിയാക്കി കിട്ടുന്നതാണ്.
വൃശ്ചികക്കൂറ്: വിശാഖം (¼), അനിഴം, തൃക്കേട്ട
ബിസിനസ് ആവശ്യത്തിന് കൂടുതല്‍ യാത്ര ചെയ്യേണ്ടിവരും. ആഹാരക്രമങ്ങളില്‍ ആരോഗ്യപരമായ മാറ്റങ്ങള്‍ വരുത്തും. വാഹനാപകടം ഉണ്ടാകാനിടയുണ്ട്. ടെസ്റ്റുകളിലും ഇന്റര്‍വ്യൂകളിലും വിജയം കൈവരിക്കും. പുതിയ കരാറുകള്‍ ഏറ്റെടുക്കും. ഭൂമിയില്‍നിന്നുള്ള ആദായം വര്‍ധിക്കും.
ധനുക്കൂറ്: മൂലം, പൂരാടം, ഉത്രാടം (¼)
ഉന്നതരായ വ്യക്തികളില്‍നിന്ന് സഹായസഹകരണങ്ങളുണ്ടാകും. ചെയ്യുന്ന ജോലിയില്‍ അംഗീകാരം ലഭിക്കും. ദൂരയാത്രകള്‍ ദോഷകരമായി ബാധിക്കും. തീര്‍ത്ഥാടനത്തില്‍ താല്‍പ്പര്യം വര്‍ധിക്കും. ബിസിനസില്‍ പാര്‍ട്ണര്‍ഷിപ്പ് അവസാനിപ്പിക്കുന്നതാണ്.
മകരക്കൂറ്: ഉത്രാടം (¾), തിരുവോണം, അവിട്ടം (½)
തൊഴില്‍രംഗത്ത് പുരോഗതിയുണ്ടാകും. ഭാര്യയ്ക്ക് ജോലി ലഭിക്കും. കടത്തില്‍നിന്ന് വിമുക്തി ഉണ്ടാകും. പല തടസ്സങ്ങളും നീങ്ങിയെന്ന് വരും. കളവ്, വഞ്ചന എന്നിവയ്‌ക്ക് വിധേയനാവാതിരിക്കാന്‍ പ്രത്യേകം ശ്രദ്ധിക്കേണ്ടതാണ്. ആഡംബര വസ്തുക്കള്‍ക്ക് പണം ചെലവഴിക്കും.
കുംഭക്കൂറ്: അവിട്ടം (½), ചതയം, പൂരുരുട്ടാതി (¾)
ഏജന്‍സി ഏര്‍പ്പാടുകള്‍ ഏറ്റെടുക്കുകയും ഉള്ളവയെ വികസിപ്പിക്കുന്നതുമാണ്. പരസ്യങ്ങളില്‍നിന്ന് പ്രതീക്ഷിക്കാത്ത വരുമാനമുണ്ടാകും. ബിസിനസ്സാവശ്യത്തിനോ ജോലി സ്വഭാവം മൂലമോ വീട് വിട്ട് താമസിക്കേണ്ടി വരും. സാമ്പത്തികസ്ഥിതി ഉയര്‍ത്താനുള്ള ശ്രമങ്ങളില്‍ മുഴുകും.
മീനക്കൂറ്: പൂരുരുട്ടാതി (¼), ഉതൃട്ടാതി, രേവതി
വ്യവഹാരങ്ങളില്‍ വിജയമുണ്ടാകും. ഓഹരികളില്‍ നിന്നുള്ള ആദായത്തില്‍ ഇടിവുവന്നേക്കും. ഭൂമി കൈമാറ്റം വിജയപ്രദമായി തീരും. പുതിയ ജോലിയില്‍ പ്രവേശിക്കാനവസരമുണ്ടാകും. വാഹനം, പിതൃസ്വത്ത് എന്നിവ കൈവശം വന്നു ചേരും.
പ്രതികരിക്കാൻ ഇവിടെ എഴുതുക: