ഹരിപ്പാട്: അപകടത്തില് പരിക്കേറ്റ് ഒന്നരമാസമായി ആശുപത്രിയില് കഴിയുന്ന ഡെസിയയ്ക്ക് വേണ്ടി കുടുംബം ചികിത്സാ സഹായം തേടുന്നു. ബൈക്കപകടത്തില് തലയ്ക്ക് ഗുരുതരമായി പരിക്കേറ്റ ഡെസിയ ദിലീപ് നിലവില് എറണാകുളത്ത് ആസ്റ്റര് മെഡ്സിറ്റിയില് ചികിത്സയിലാണ്. ഒരു ശസ്ത്രക്രിയ കൂടി ആവശ്യമാണ്. 28 ലക്ഷം രൂപയാണ് ചെലവ്. ഇതിന് സഹായം തേടുകയാണ് കുടുംബം.
ആലപ്പുഴ ചേപ്പാട് കാഞ്ഞൂര് സ്വദേശിയാണ് ഇരുപത്തിനാലുകാരിയായ ഡെസിയ. ജോലികഴിഞ്ഞ് സഹോദരനൊപ്പം വീട്ടിലേക്ക് വരും വഴി ബൈക്ക് റോഡിലെ കുഴിയില് വീണാണ് അപകടമുണ്ടായത്. ബൈക്കില് നിന്നും റോഡിലെ ഡിവൈഡറിലേക്ക് തലയിടിച്ചാണ് ഡെസിയയ്ക്ക് പരിക്കേറ്റത്. ഇതിനകം ഒന്നിലേറെ ശസ്ത്രക്രിയകള് കഴിഞ്ഞു. അപകടത്തില് സഹോദരനും പരിക്കേറ്റ് ചികിത്സയിലാണ്. അച്ഛന് ദിലീപ് കുമാര് കൂലിവേല ചെയ്താണ് കുടുംബം പുലര്ത്തുന്നത്. അമ്മയും അസുഖബാധിതയാണ്. മക്കളുടെ ചികിത്സാ ചെലവിന് മറ്റ് മാര്ഗങ്ങളൊന്നുമില്ലെന്നും സഹായിക്കണമെന്നും ഡെസിയയുടെ അമ്മ അഭ്യര്ത്ഥിച്ചു.
ബാങ്ക് വിവരങ്ങള് ദിലീപ് കുമാര്, അക്കൗണ്ട് നമ്പര്: 18600200001466, ifs കോഡ്: FDRL0001860, ചേപ്പാട് ബ്രാഞ്ച്, ഫോണ്: 7558906357 (ഗൂഗിള് പേ നമ്പര്).
