തിരുവനന്തപുരം : ബംഗാളി നടി ശ്രീലേഖ മിത്രയുടെ ലൈംഗികാതിക്രമ ആരോപണത്തില് കൃത്യമായി അന്വേഷണം നടത്തി എത്ര ഉന്നതനാണെങ്കിലും നടപടിയെടുക്കണമെന്ന് വനിതാ കമ്മീഷന് അധ്യക്ഷ പി സതീദേവി.
ചലച്ചിത്ര അക്കാദമി ചെയര്മാന് രഞ്ജിത്തിനെതിരെയുളള ആരോപണത്തിലാണ് വനിതാ കമ്മീഷന്റെ പ്രതികരണം. സര്ക്കാരിനോട് കമ്മീഷന് റിപ്പോര്ട്ട് തേടും. ലൈംഗിക ചൂഷണത്തെ കുറിച്ച് വിവരം ലഭിച്ചാല് കേസ് എടുക്കാം, അന്വേഷിക്കാം.
നടിയുടെ ആരോപണം അന്വേഷിച്ച് കാര്യം തെളിഞ്ഞാല് രഞ്ജിത്തിനെ മാറ്റണം.
മാധ്യമങ്ങളിലൂടെയാണ് നടിയുടെ ആരോപണത്തെ കുറിച്ച് അറിഞ്ഞത്.ചലച്ചിത്ര അക്കാദമി ചെയര്മാന് സ്ഥാനത്ത് നിന്നും രഞ്ജിത്തിനെ മാറ്റേണ്ടതില് തീരുമാനം എടുക്കേണ്ടത് സര്ക്കാരാണെന്നും പി സതീദേവി പറഞ്ഞു.ആരോപണം തെളിഞ്ഞാല് മാത്രമേ സ്ഥാനത്ത് നിന്നും മാറി നില്ക്കേണ്ടതുളളു. പരാതിക്കാരിക്ക് നിയമ പരിരക്ഷ ലഭിക്കണം.
