കോട്ടയം: എം.ജി സര്‍വകലാശാലയില്‍ വിദേശ വിദ്യാര്‍ഥികളുടെ സംഗമം. 31 രാജ്യങ്ങളിലെ വിദ്യാര്‍ഥികളുടെ സംഗമം സാംസ്‌കാരിക വൈവിധ്യത്തിന്റെ വിരുന്നായി അതു മാറി. സ്വന്തം രാജ്യത്തെ തനത് കലാരൂപങ്ങളും അവതരിപ്പിച്ചു.
സര്‍വകലാശാലയിലെ പഠന വകുപ്പുകളിലെയും അഫിലിയേറ്റഡ് കോളജുകളിലെയും സംസ്ഥാനത്തെ മറ്റ് വിദ്യാഭ്യാസ സ്ഥാപനങ്ങളിലെയും വിദ്യാര്‍ഥികള്‍ പങ്കെടുത്തു. ഇന്ത്യന്‍ കൗണ്‍സില്‍ ഫോര്‍ കള്‍ച്ചറല്‍ റിലേഷന്‍സിന്റെ (ഐ.സി.സി.ആര്‍) സാംസ്‌കാരിക വിനിമയ പ്രവര്‍ത്തനങ്ങളുടെ ആശയമുള്‍ക്കൊണ്ട് സര്‍വകലാശാലയിലെ സെന്റര്‍ ഫോര്‍ ഇന്റനാഷണല്‍ കോ-ഓപ്പേറഷന്‍ (യു.സി.ഐ.സി) ആണ് പരിപാടി സംഘടിപ്പിച്ചത്.
എസ്വാതിനി, സെനഗള്‍, സാംബിയ, അഫ്ഗാനിസ്ഥാന്‍, കൊളംബിയ, മഡാഗാസ്‌കര്‍, ഉഗാണ്ട, ഇന്തോനേഷ്യ, റുവാന്‍ഡ, കെനിയ, ശ്രീലങ്ക, ബുറുണ്ടി, ടോഗോ, നമീബിയ, നൈജീരിയ, ദക്ഷിണ സുഡാന്‍, മലാവി, മൗറീഷ്യസ്, ഇറാഖ്, മാലി, ബംഗ്ലാദേശ്, ബോട്ട്‌സ്വാന, ഇറാന്‍, താന്‍സാനിയ, ലെസോത്തോ, വിയറ്റ്‌നാം, നേപ്പോള്‍, ഝാഡ്, എത്യോപ്യ, യെമന്‍ എന്നീ രാജ്യങ്ങളിലെ വിദ്യാര്‍ഥികളാണ് പരിപാടിയില്‍ പങ്കെടുത്തത്. ഇതോടൊപ്പം ഇന്ത്യന്‍ വിദ്യാര്‍ഥികളുടെ പ്രതിനിധികളും വേദിയിലെത്തി.
പ്രതികരിക്കാൻ ഇവിടെ എഴുതുക: