ന്യൂദല്ഹി: തെലുങ്കാനയിലെ ബിജെപി നേതാവും മേഡക് ലോക് സഭാമണ്ഡലം എംപിയുമായ മാധവനേനി രഘുനന്ദന് റാവു രാഹുല് ഗാന്ധിയുടെ വസതി സന്ദര്ശിച്ച് ബ്ലിറ്റ്സ് എന്ന മാഗസിന്റെ കോപ്പി നല്കി. രാഹുല് ഗാന്ധിയെ നേരിട്ട് കാണാന് സാധിക്കാത്തതിനാല് ഓഫീസിലെ ജീവനക്കാരനാണ് ബ്ലിറ്റ്സിന്റെ കോപ്പി നല്കിയത്.
പ്രതിപക്ഷ നേതാവും കോണ്ഗ്രസ് പാര്ട്ടിയുടെ മുഖ്യ നേതാവുമായ രാഹുല് ഗാന്ധി രണ്ട് മക്കളുടെ പിതാവാണെന്ന ഞെട്ടിക്കുന്ന ലേഖനം ഉള്പ്പെടുത്തിയ ‘ദി ബ്ലിറ്റ്സ്’ മാഗസിന്റെ കോപ്പിയാണ് രാഹുല് ഗാന്ധിയുടെ ഓഫീസിന് തെലുങ്കാന എംപി മാധവനേനി രഘുനന്ദന് റാവു നല്കിയത്.
തെലുങ്കാന എംപി മാധവനേനി രഘുനന്ദന് റാവു രാഹുല് ഗാന്ധിയുടെ വസതിയില് ചെന്ന് രാഹുല്ഗാന്ധിക്ക് വിദേശവനിതകളില് മക്കളുണ്ടെന്ന് ആരോപിക്കുന്ന ബ്ലിറ്റ്സ് മാഗസിന്റെ കോപ്പി കൈമാറുന്നു:
Visited the residence of @RahulGandhi and handed over copies of Blitz magazine to his staff. pic.twitter.com/pYPveUfkKh
— Raghunandan Rao Madhavaneni (@RaghunandanraoM) August 23, 2024
ബ്ലിറ്റ്സ് മാഗസിനില് രാഹുല് ഗാന്ധിയ്ക്കെതിരെ വന്ന ഗുരുതരമായ ആരോപണത്തോട് കോണ്ഗ്രസ് നേതൃത്വം ഇതുവരെയും പ്രതികരിച്ചിട്ടില്ല എന്നത് ഈ ആരോപണത്തിന്റെ ഗൗരവം വര്ധിപ്പിക്കുന്നു. വാസ്തവമില്ലെങ്കില് അപ്പോള് തന്നെ നിഷേധിക്കുന്ന കോണ്ഗ്രസ് എന്തുകൊണ്ടാണ് മൗനം പാലിക്കുന്നതെന്നത് എല്ലാവരേയും അമ്പരപ്പിക്കുന്നു.
രാഹുല് ഗാന്ധിയുടെ മറഞ്ഞിരിക്കുന്ന സ്വകാര്യ ജീവിതവും അവിഹിത ബന്ധങ്ങളും തുറന്നു കാട്ടുന്നതാണ് ലേഖനം. അദ്ദേഹം ‘റാഹുല് വിഞ്ചി’ എന്ന അപരനാമത്തില് ഒരു ദുരൂഹ ജീവിതം നയിക്കുന്നുവെന്ന് ബ്ലിറ്റ്സിലെ ലേഖനം ആരോപിക്കുന്നു. ഇതില് കൊളംബിയന് മയക്കുമരുന്ന് മാഫിയാ തലവന്റെ മകള് വെറോണിക്ക് കാര്ട്ടെല്ലിയുമായി രാഹുല് ഗാന്ധിക്ക് അടുത്ത ബന്ധമുണ്ടായിരുന്നുവെന്നും അവര് രണ്ട് മക്കളുടെ മാതാവാണെന്നും ലേഖനത്തില് വ്യക്തമാക്കുന്നു.
രാഹുല് ഗാന്ധിയ്ക്ക് അഫ്ഗാനിസ്ഥാനിലെ രാജാവായിരുന്ന മുഹമ്മദ് സാഹിര് ഷായുടെ ചെറുമകള് നോയല് സഹെറുമായിട്ടും മറ്റൊരു ബന്ധമുണ്ടായിരുന്നുവെന്നും ബ്ലിറ്റ്സ് മാഗസിന് വെളിപ്പെടുത്തുന്നു.
രാഹുലുമായുള്ള വിവാഹത്തിനുള്ള തയ്യാറെടുപ്പിനായി നോയല് രാജകുമാരി രാഹുലിന് വേണ്ടി റോമന് കത്തോലിക്കാ മതത്തിലേക്ക് മതപരിവര്ത്തനം ചെയ്തു. സോണിയാഗാന്ധിയുടെ ഇറ്റലിയിലെ ചാപ്പലില് കാമുകി നോയലിനൊപ്പം രാഹുല് ഗാന്ധി പലപ്പോഴും പ്രാര്ത്ഥിച്ചിരുന്നു.എന്നാല് നോയല്
ഗര്ഭിണിയായപ്പോള് രാഹുലും നോയലും തമ്മിലുള്ള ബന്ധം വഷളായി, ഗര്ഭച്ഛിദ്രം നടത്തണമെന്ന് രാഹുല് നിര്ബന്ധിച്ചു. ഇത് നോളിനെ വല്ലാതെ വേദനിപ്പിച്ചു, രാഹുലിനെ വഞ്ചകനായി കണ്ട് അവള് ബന്ധം അവസാനിപ്പിക്കാന് തീരുമാനിച്ചു. നോയല് സഹെര് സായി ദ് രാജകുമാരന് എന്നറിയപ്പെടുന്ന ഈജിപ്ഷ്യന് രാജകുമാരന് മുഹമ്മദ് അലിയെ വിവാഹം കഴിക്കുകയും ചെയ്തു.
രാഹുലിന്റെ വിദേശജീവിതത്തെക്കുറിച്ചുള്ള മുഴുവന് വിവരങ്ങളും ആഭ്യന്തര വകുപ്പിന്റെ കൈവശം ഉള്ളതായി പറയപ്പെടുന്നു. കൂടുതല് പ്രതികരിച്ചാല് അത് തിരിച്ചടിയുണ്ടാക്കുമെന്ന ബോധ്യം കോണ്ഗ്രസിന് ഉണ്ട്. വിവിധ പ്രമുഖ വ്യക്തികളുമായുള്ള രാഹുലിന്റെ ബന്ധങ്ങളും അവിടെയുള്ള ദുരൂഹതകളും ഈ ലേഖനത്തില് ചൂണ്ടിക്കാണിക്കുന്നു. രാഹുലിന്റെ രാഷ്ട്രീയ ജീവിതത്തെ പ്രതിസന്ധിയിലാക്കാന് സാധ്യതയുള്ള വെളിപ്പെടുത്തലുകളാണ് ബ്ലിറ്റ്സ് മാസിക നടത്തിയത്. രാഹുല് ഗാന്ധിയ്ക്കെതിരെ പാര്ലമെന്റിലും പുറത്തും ശക്തമായ ആക്രമണം നടത്തുന്ന ബിജെപി നേതാവാണ് മേഡക് ലോക് സഭാമണ്ഡലം എംപി മാധവനേനി രഘുനന്ദന് റാവു. അദ്ദേഹത്തിന്റെ രാഹുലിനെതിരായ സമരത്തിന്റെ ഭാഗമായാണ് ബ്ലിറ്റ്സ് മാസിക രാഹുലിന്റെ വസതിയില് ചെന്നെത്തി നല്കിയത്.
ഇക്കാര്യത്തില് ഉന്നത ഏജന്സികള് നടത്തുന്ന ദേശീയ-അന്തര്ദേശീയ തലത്തില് ഉള്ള അന്വേഷണം അനിവാര്യമാണെന്ന് മാഗസിന് അഭിപ്രായപ്പെടുന്നു. രാഹുല് ഗാന്ധി, ഭാരതത്തിന്റെ പ്രധാനമന്ത്രി സ്ഥാനം ലക്ഷ്യമിടുന്ന ഒരാളാണെന്നതിനാല്, വെളിപ്പെടുത്തലുകള് ഏറെ ഗൗരവം കൂടിയതാണ്.
ആരോപണങ്ങള് കോണ്ഗ്രസ് പാര്ട്ടിയിലും, രാഷ്ട്രീയ രംഗത്തും വലിയ തര്ക്കങ്ങള്ക്ക് വഴിവയ്ക്കുന്നുണ്ട്.
