ലക്നൗ ; 13 കാരിയെ പീഡിപ്പിച്ച് ഗർഭിണിയാക്കിയ കേസിൽ മുത്തച്ഛൻ അറസ്റ്റിൽ . ഉത്തർപ്രദേശിലെ ഹാപൂരിലാണ് സംഭവം . വയറുവേദനയെ തുടർന്ന് പെൺകുട്ടിയെ മാതൃസഹോദരി ആശുപത്രിയിലെത്തിച്ചപ്പോഴാണ് പെൺകുട്ടി 7 മാസം ഗർഭിണിയാണെന്ന വിവരം അറിയുന്നത് .
മാതാപിതാക്കളുടെ മരണത്തെ തുടർന്ന് അനാഥയായ 13 കാരി അച്ഛന്റെ മാതാപിതാക്കൾക്കൊപ്പമായിരുന്നു താമസം . എന്നാൽ ഇതിനിടെ കുട്ടിയുടെ മുത്തശ്ശിയും മരണപ്പെട്ടു. അതിനു പിന്നാലെയാണ് മുത്തച്ഛൻ പെൺകുട്ടിയെ ബലാത്സംഗം ചെയ്തത് . ഭീഷണിപ്പെടുത്തിയുള്ള പീഡനം ഒരു വർഷത്തോളം തുടർന്നു .
പെൺകുട്ടിക്ക് വയറുവേദന തുടങ്ങിയപ്പോൾ മുത്തച്ഛൻ കുറ്റിയെ മാതൃസഹോദരിയുടെ വീട്ടിൽ കൊണ്ടു വിടുകയായിരുന്നു. ഇവരാണ് കുട്ടിയെ ആശുപത്രിയിലെത്തിച്ചത് . പീഡനവിവരം ചൈൽഡ് വെൽഫെയർ കമ്മിറ്റി ഡോക്ടർമാരുടെ പാനൽ കുട്ടിയെ വൈദ്യപരിശോധന നടത്തി. പെൺകുട്ടിയുടെ ആരോഗ്യസ്ഥിതി മോശമാണെന്നും , വിളർച്ച ബാധിച്ചിട്ടുണ്ടെന്നും , ഗർഭച്ഛിദ്രം നടത്തുന്നത് അപകടരമാകുമെന്നുമാണ് ഡോക്ടർമാരുടെ റിപ്പോർട്ട് . പെൺകുട്ടിക്ക് സാമ്പത്തിക സഹായത്തിനായി ജില്ലാ ലീഗൽ സർവീസസ് അതോറിറ്റിക്ക് കത്തയച്ചിട്ടുണ്ട്
