കോട്ടയം: സിനിമാ മേഖലയിലെ പവര്‍ ഗ്രൂപ്പിനെ നേരിടുമെന്ന് നടി പാര്‍വതി തിരുവോത്ത് ഒരു സ്വകാര്യ ചാനലില്‍ അവകാശപ്പെട്ടു. ഇതിനുവേണ്ട നീക്കം സര്‍ക്കാരും കൈക്കൊള്ളണമെന്നാണ് അവരുടെ ആവശ്യം. ഇനി ചര്‍ച്ചയുടെ ആവശ്യമില്ല, വേട്ടക്കാര്‍ക്കെതിരെ നടപടിയെടുക്കുകയാണ് വേണ്ടത്.
അതേസമയം ഹേമ കമ്മിറ്റി 11 പേര്‍ മാത്രം ഉള്‍പ്പെട്ട ഡബ്ല്യുസിസി എന്ന വനിതാ ഗ്രൂപ്പിന്റെ അഭിപ്രായം മാത്രം കേട്ട് ഏകപക്ഷീയമായ റിപ്പോര്‍ട്ടാണ് നല്‍കിയതെന്ന് ആരോപിച്ച് ഒട്ടേറെ പേര്‍ രംഗത്തുവന്നു. സിനിമയില്‍ കാര്യമായ അവസരങ്ങള്‍ ഇല്ലാതായതിനെത്തുടര്‍ന്ന് സൂപ്പര്‍താരങ്ങള്‍ അടക്കമുള്ളവരോട് വൈരാഗ്യം തോന്നിയ ഏതാനും നടിമാര്‍ നല്‍കിയ മൊഴികള്‍ ഹേമ കമ്മിറ്റി അതേപടി പകര്‍ത്തുകയായിരുന്നു.
എന്നാല്‍ ആരോപിതരായ ആളുകളോട് ഇതിന്റെ നിജസ്ഥിതി ആരായാന്‍ കമ്മിറ്റി തയ്യാറായില്ല. ചലച്ചിത്രമേഖലയില്‍ പതിറ്റാണ്ടുകളുടെ അനുഭവ പരിചയമുള്ള ശാരദ പോലും നിജസ്ഥിതി എന്തെന്ന് ആരായാനുള്ള മനസ്സു കാണിച്ചില്ലെന്നുന്നും വിവിധ കോണുകളില്‍ നിന്നും വിമര്‍ശനം ഉയരുന്നു.
പ്രതികരിക്കാൻ ഇവിടെ എഴുതുക: