മാഡ്രിഡ്: ഇംഗ്ലീഷ് മദ്ധ്യനിരതാരം കോണോര്‍ ഗാല്ലെഘര്‍ പ്രീമിയര്‍ ലീഗ് ക്ലബ്ബ് ചെല്‍സി വിട്ട് സ്പാനിഷ് ടീം അത്‌ലറ്റിക്കോ മാഡ്രിഡില്‍ ചേര്‍ന്നു. രണ്ട് ക്ലബ്ബുകളും ഔദ്യോഗികമായി ഇക്കാര്യം സ്ഥിരീകരിച്ചു. 34 ദശലക്ഷം പൗണ്ടിനാണ് താരത്തെ അത്‌ലറ്റിക്കോ സ്വന്തമാക്കിയത്.
24കാരനായ ഗാല്ലെഘറും അത്‌ലറ്റിക്കോ മാഡ്രിഡും തമ്മില്‍ അഞ്ച് വര്‍ഷത്തേക്കാണ് കരാര്‍. ബാല്യം മുതല്‍ ചെല്‍സിയുടെ ഭാഗമായുള്ള ഗാല്ലെഘര്‍ അണ്ടര്‍ 21 ചെല്‍സിയിലാണ് പരിശീലിച്ചുവന്നത്. ക്ലബിന്റെ സീനിയര്‍ ടീമിലെത്തിയ ഗാല്ലെഘര്‍ ഇതുവരെ 95 മത്സരങ്ങള്‍ കളിച്ചു. പത്ത് ഗോളുകള്‍ അടിച്ചു. കഴിഞ്ഞ സീസണില്‍ ഏതാനും ചില മത്സരങ്ങളില്‍ ചെല്‍സിയുടെ നായകനായും ഗാല്ലെഘര്‍ മൈതാനത്ത് നിറഞ്ഞു നിന്നു.
പ്രതികരിക്കാൻ ഇവിടെ എഴുതുക: