വയനാട് : മുണ്ടക്കൈ ഉരുള്‍പൊട്ടല്‍ ദുരിതബാധിതരുടെ താത്കാലിക പുനരധിവാസത്തിനായി സര്‍ക്കാര്‍ നിശ്ചയിച്ച തുകയ്‌ക്ക്, മേപ്പാടി വൈത്തിരി മേഖലയില്‍ വാടക വീട് കിട്ടാനില്ല.എന്നാല്‍ ആശങ്കപ്പെടേണ്ട സാഹചര്യം ഇല്ലെന്ന് റവന്യൂ മന്ത്രി കെ രാജന്‍ പറഞ്ഞു.
മേപ്പാടി ഹയര്‍സെക്കന്‍ഡറി സ്‌കൂളിലെ ക്യാമ്പില്‍ കഴിയുന്നവരോട് സ്വമേധയാ വാടക വീട് കണ്ടെത്താനാണ് ഇപ്പോള്‍ ആവശ്യപ്പെടുന്നത്. വീട് അന്വേഷിച്ചു നടക്കാത്ത സ്ഥലമില്ലെന്ന് ചൂരല്‍മല സ്വദേശി രേവതി പറയുന്നു.
സര്‍ക്കാര്‍ കണ്ടെത്തിയ വാടക കെട്ടിടങ്ങളിലേയ്‌ക്ക് എന്നുമുതല്‍ മാറ്റും, മേപ്പാടി വൈത്തിരി തുടങ്ങിയ സമീപപ്രദേശങ്ങളിലേക്ക് മാറ്റി താമസിപ്പിക്കുന്നവരുടെ മുന്‍ഗണന എങ്ങനെ, വാടക ഇനത്തില്‍ നല്‍കുന്ന 6000 രൂപ എത്ര കാലം സര്‍ക്കാര്‍ നല്‍കും എന്നീ കാര്യങ്ങളിലും വ്യക്തത ഇല്ല.നിലവില്‍ ക്യാമ്പില്‍ കഴിയുന്നത് 975 പേരാണ്
സ്ഥിരമായ പുനരധിവാസം യാഥാര്‍ത്ഥ്യമാകും വരെ ബന്ധുവീടുകളില്‍ കഴിയുന്നവര്‍ക്ക് ഉള്‍പ്പെടെ വാടക നല്‍കുമെന്നാണ് മന്ത്രി കെ രാജന്‍ അറിയിച്ചത്. കേന്ദ്രത്തിന് സമര്‍പ്പിക്കാനുളള വിശദമായ മെമ്മോറാണ്ടം തയാറായി. 1200 കോടിയുടെ നഷ്ടമുണ്ടായെന്നാണ് കണക്ക്.
മെമ്മോറാണ്ടം രണ്ടു ദിവസത്തിനുള്ളില്‍ കൈമാറും.
പ്രതികരിക്കാൻ ഇവിടെ എഴുതുക: