കിഴക്കമ്പലം (കൊച്ചി): ഒളിംപിക്‌സ് മെഡല്‍ നേടി നാട്ടിലെത്തിയ ശ്രീജേഷിനെ കാണാനും ആശംസ അറിയിക്കാനുമായി കിഴക്കമ്പലത്തെ വീട്ടില്‍ ബിജെപി സംസ്ഥാന പ്രസിഡന്റ് കെ. സുരേന്ദ്രന്‍ എത്തി. കുടുംബാംഗങ്ങളുമായി സന്തോഷം പങ്കുവെക്കുകയും ബിജെപി സംസ്ഥാന ഘടകത്തിന്റെ പേരില്‍ ശ്രീജേഷിനെ ആദരിക്കുകയും ചെയ്തു. ശ്രീജേഷിന്റെ അച്ഛന്‍ പി.പി. രവീന്ദ്രനെയും ആദരിച്ചു.
അമ്മ ഉഷ, ഭാര്യ ഡോ. അനീഷ്യ, മക്കളായ ശ്രീയാന്‍ഷ്, അനുശ്രീ എന്നിവരും ഒപ്പമുണ്ടായിരുന്നു. വളര്‍ന്നുവരുന്ന യുവ കായികതാരങ്ങള്‍ക്കും കുടുംബാംഗങ്ങള്‍ക്കും എന്നും പ്രചോദനം ലഭിക്കുന്ന ഒരു സന്ദേശം കൂടിയായി പ്രധാനമന്ത്രി നരേന്ദ്രമോദിയുമായുള്ള ശ്രീജേഷിന്റെയും കുടുംബത്തിന്റെയും കൂടിക്കാഴ്ചയെന്നും അദ്ദേഹം പറഞ്ഞു
ബിജെപി എറണാകുളം ജില്ലാ പ്രസിഡന്റ് അഡ്വ, കെ.എസ്. ഷൈജു, ജന. സെക്രട്ടറി ബസിത്കുമാര്‍, പട്ടികജാതി മോര്‍ച്ച ജില്ലാ പ്രസിഡന്റ് മനോജ് മനക്കേക്കര, മണ്ഡലം പ്രസിഡന്റ് അഭിലാഷ് കെ.എസ്, ഐടി സെല്‍ ജില്ലാ കണ്‍വീനര്‍ സേതുരാജ്. ജില്ലാ സമിതി അംഗം മുരളി കോയിക്കര, മണ്ഡലം ജനറല്‍ സെക്രട്ടറിമാരായ സുമേഷ് സോമന്‍, സഹാന കൊറ്റേത്ത്, മണ്ഡലം നേതാക്കളായ അയ്യപ്പന്‍, സുരേന്ദ്രന്‍ കുമ്മനോട്. അരുണ്‍കുമാര്‍ ഡി.ആര്‍, സുധന്‍ പട്ടിമറ്റം, ബിനുകുമാര്‍, ദിലീപ് എന്നിവരും ശ്രീജേഷിന്റെ വസതിയില്‍ എത്തി.
പ്രതികരിക്കാൻ ഇവിടെ എഴുതുക: