കൊച്ചി: കളമശ്ശേരി രാജഗിരി ഫ്‌ലഡ്ലിറ്റ് ഇന്‍ഡോര്‍ സ്റ്റേഡിയത്തില്‍ നടന്ന 37-ാമത് ഫ്രാന്‍സിസ് സെയില്‍സ് ട്രോഫി സൗത്ത് ഇന്ത്യ ഇന്റര്‍ സ്‌കൂള്‍ ബാസ്‌ക്കറ്റ് ബോളില്‍ പ്രൊവിഡന്‍സ് എച്ച്എസ്എസ് കോഴിക്കോടും സെന്റ് എഫ്രേംസ് എച്ച്എസ്എസ് മാന്നാനവും ജേതാക്കളായി. പണ്‍ വിഭാഗം ഫൈനലില്‍ പ്രൊവിഡന്‍സ് എച്ച്എസ്എസ് തൂത്തുക്കുടി ഹോളി ക്രോസിനെ(81-65)പരാജയപ്പെടുത്തി. ആണ്‍ ഫൈനലില്‍ സെന്റ് എഫ്രേംസ് എച്ച്എസ്എസ് മാന്നാനം ഗവ.എച്ച്എസ്എസ് കുന്നംകുളത്തെ(42-10)തകര്‍ത്താണ് കിരീടം നിലനിര്‍ത്തിയത്.
സീസണില്‍ പ്രൊവിഡന്‍സ് സ്‌കൂള്‍ പെണ്‍ ടീമിന്റെ രണ്ടാം ട്രോഫിയാണിത്. ടീമിലെ അര്‍ത്തിക 21 പോയിന്റുമായി ടൂര്‍ണമെന്റിലെ മികച്ച കളിക്കാരിയും ടോപ് സ്‌കോററും ആയി.
എറണാകുളം ജില്ലാ സ്‌കൂള്‍ അടിസ്ഥാനത്തില്‍ നടത്തിയ അണ്ടര്‍ 15 വിഭാഗ മത്സരത്തില്‍ ആണ്‍കുട്ടിളില്‍ ചോയ്സ് സ്‌കൂള്‍ തൃപ്പൂണിത്തുറ (50-48 ) രാജഗിരിയെതോല്‍പ്പിച്ച് കിരീടം നേടിയപ്പോള്‍ പെണ്‍ കിരീടപ്പോരില്‍ സെന്റ് തെരേസാസ് എറണാകുളം (39-17) രാജഗിരിയെ തോല്‍പ്പിച്ചു.
ട്രോഫികളും മെമന്റോകളും രാജ്യാന്തര ബാസ്‌കറ്റ്‌ബോള്‍ താരം സി വി സണ്ണി വിതരണം ചെയ്തു. മികച്ച കളിക്കാരന്‍- മില്ലന്‍ ജോസ് സെന്റ് എഫ്രമെംസ്. പ്രോമിസിംഗ് പ്ലെയര്‍ -അഭിഷേക് ഗവ.ബോയ്‌സ് എച്ച്എസ്എസ്, കുന്നംകുളം. പെണ്‍ വിഭാഗത്തിലെ മികച്ച കളിക്കാരി ആര്‍ത്തിക പ്രൊവിഡന്‍സ്. പ്രോമിസിംഗ് പ്ലെയര്‍ -എ ജെഫിന്‍ , ഹോളി ക്രോസ്, തൂത്തുക്കുടി.
