ബംഗളൂരു: കര്ണാടക ഷിരൂര് മണ്ണിടിച്ചിലില് കാണാതായ കോഴിക്കോട് സ്വദേശി അര്ജുനായുള്ള തെരച്ചിലിനെത്തിയ മുങ്ങല് വിദഗ്ദ്ധന് ഈശ്വര് മാല്പെയെ കര്ണാടക പൊലീസ് തടഞ്ഞു. രാവിലെ തെരച്ചിലിനെത്തിയ മാല്പെയോട് അനുമതിയില്ലാതെ തെരച്ചിലിന് ഇറങ്ങരുതെന്ന് പൊലീസ് അറിയിച്ചു.
നിലവില് തെരച്ചിലിന് അനുകൂല കാലാവസ്ഥയാണ്. ഈ സാഹചര്യത്തിലാണ് തെരച്ചിലിന് എത്തിയതെന്ന് ഈശ്വര് മാല്പെ വെളിപ്പെടുത്തി. നേരത്തെ മാല്പെയും സംഘവും നടത്തിയ തെരച്ചിലിലാണ് പുഴയില്നിന്ന് അര്ജുന്റെ ലോറിയുടെ ജാക്കി കണ്ടെത്തിയത്.
തുടര്ന്ന് ലോറിയില് തടി കെട്ടാന് ഉപയോഗിച്ച കയറും കണ്ടെടുത്തിരുന്നു. ഇപ്പോള് ഡ്രഡ്ജര് എത്തിക്കുന്നതുവരെ തെരച്ചില് നിര്ത്തിവച്ചിരിക്കുകയാണ്.
