കൊച്ചി: കളമശ്ശേരി രാജഗിരി ഇന്ഡോര് ബാസ്ക്കറ്റ് ബോള് സ്റ്റേഡിയത്തില് നടക്കുന്ന 37-ാമത് ഫാ ഫ്രാന്സിസ് സെയില്സ് ട്രോഫി സൗത്ത് ഇന്ത്യ ഇന്റര് സ്കൂള് ബാസ്ക്കറ്റ് ബോള് ടൂര്ണമെന്റിന്റെ ക്വാര്ട്ടര്, സെമി മത്സരങ്ങള് ഇന്ന്.
രാവിലെ നടക്കുന്ന ക്വാര്ട്ടറില് നിന്ന് യോഗ്യത നേടുന്നവര് വൈകീട്ട് സെമിയില് ഏറ്റുമുട്ടും.
പെണ് വിഭാഗത്തില് സില്വര് ഹില് എച്ച്എസ്എസ് കോഴിക്കോട് തുടര്ച്ചയായ രണ്ടാം ജയത്തോടെ പൂള് ബി ജേതാക്കളായി. പ്രൊവിഡന്സ് പൂള് എ ജേതാക്കളായി സെമി ഫൈനല് ബെര്ത്ത് ഉറപ്പിച്ചു. ജ്യോതി നികേതന്, ആലപ്പുഴ, ഹോളിക്രോസ് ആംഗ്ലോ ഇന്ത്യന് എച്ച്എസ്എസ്, തൂത്തുക്കുടി, മൗണ്ട് കാര്മല് എച്ച്എസ്എസ്, കോട്ടയം എന്നിവര് ക്വാര്ട്ടര് ഫൈനലും ഉറപ്പിച്ചു.
ബോയ്സില് വിഭാഗത്തില് സെന്റ് എഫ്രേംസ് എച്ച്എസ്എസ്, ഗിരിദീപം ബഥനി, കോട്ടയം , ക്രസന്റ് മെട്രിക് സ്കൂള്, തൂത്തുക്കുടി, സെന്റ് ജോസഫ്സ് എച്ച്എസ്എസ് പുളിക്കുന്ന്, രാജഗിരി സ്കൂള് കളമശേരി , ഗവ.പിഎച്ച്എസ്എസ് മലപ്പുറം എന്നിവയും ക്വാര്ട്ടര് ഫൈനലില് കടന്നു.
ലീഗ് മത്സരങ്ങളില് മൗണ്ട് കാര്മല് എച്ച്എസ് എസ് കോട്ടയം(51-21) എസ്എച്ച്എച്ച്എസ്എസ് തേവരയെയും ഹോളി ക്രോസ് ആംഗ്ലോ ഇന്ത്യന് സ്കൂള് തൂത്തുക്കുടി ജ്യോതി നികേതന് ആലപ്പുഴയെയും (53-35) പരാജയപ്പെടുത്തി. ബോയ്സില് സെന്റ് എഫ്രേംസ് മാന്നാനം പൂള് എയില് ഇരിങ്ങാലക്കുട ഡോണ് ബോസ്കോ എച്ച്എസ്എസിനെയും (42-13) പിന്നീട് ഗിരിദീപം ബഥാനി കോട്ടയത്തെയും (41-14) തോല്പിച്ചു പൂള് ജേതാക്കളായി.
പൂള് സിയില് ക്രസന്റ് മെട്രിക് എച്ച്എസ് തൂത്തുക്കോടി സില്വര് ഹില് എച്ച്എസ്എസിനെയും കോഴിക്കോടിനെ(53-46)യും ഗവ.പിഎച്ച്എസ്എസ്, മലപ്പുറം ലിറ്റില് ഫ്ലവര് കോണ്വെന്റ് കൊരട്ടി (39-21) പരാജയപ്പെടുത്തി.
