തിരുവനന്തപുരം : കണ്ണമ്മൂലയില്‍ നിയമ വിദ്യാര്‍ഥിനിയെ പീഡിപ്പിച്ചെന്ന കേസില്‍ സ്വാമി ഗംഗേശാനന്ദക്ക് എതിരെ ക്രൈംബ്രാഞ്ച് സമര്‍പ്പിച്ച കുറ്റപത്രം കോടതി മടക്കി. അഡീഷണല്‍ ചീഫ് ജുഡീഷ്യല്‍ മജിസ്ട്രേട്ട് എല്‍സ കാതറിന്‍ ജോര്‍ജാണ് ഗുരുതര പിഴവുകള്‍ ചൂണ്ടിക്കാട്ടി കുറ്റപത്രം മടക്കിയത്.
ക്രൈംബ്രാഞ്ച് ഡിവൈഎസ്പി ഷൗക്കത്തലി സമര്‍പ്പിച്ച കുറ്റപത്രത്തില്‍, പ്രാരംഭ ഘട്ടത്തില്‍ കേസ് അന്വേഷിച്ച പേട്ട പൊലീസ് തയാറാക്കിയ സീന്‍ മഹസര്‍ ഉള്‍പ്പെടെയുളള കാര്യങ്ങള്‍ ഉള്‍പ്പെടുത്തിയിട്ടില്ല.ഈ സാഹചര്യത്തിനാണ് കുറ്റപത്രം കോടതി മടക്കിയത്.
തന്നെ കേസില്‍ കുടുക്കാന്‍ ചില പൊലീസ് ഉദ്യോഗസ്ഥര്‍ അടക്കം ശ്രമിക്കുന്നതിലെ ഗൂഢാലോചന അന്വേഷിക്കണമെന്ന് സ്വാമി ഗംഗേശാനന്ദ ഡിജിപിക്ക് 2020ല്‍ നല്‍കിയ പരാതിയില്‍ ആവശ്യപ്പെട്ടിരുന്നു.
നിയമവിദ്യാര്‍ത്ഥിനിയുടെ വീട്ടില്‍ പൂജയ്‌ക്ക് എത്തുന്ന ഗംഗേശാനന്ദ തന്നെ നിരന്തരം പീഡിപ്പിച്ചിരുന്നെന്നാണ് പെണ്‍കുട്ടി പൊലീസിന് നല്‍കിയ മൊഴി.പീഡനം സഹിക്കവയ്യാതെയാണ് താന്‍ സ്വാമിയുടെ ജനനേന്ദ്രിയം മുറിച്ചതെന്നും മൊഴി ഉണ്ട്.
പെണ്‍കുട്ടിയുടെ വീട്ടില്‍ വച്ച് 2017 മേയ് 19 ന് പുലര്‍ച്ചെയാണ് ഗംഗേശാന്ദയുടെ ജനനേന്ദ്രിയം മുറിച്ചത്.ഇതിനുശേഷം വീടിന് പുറത്തേക്കോടിയ പെണ്‍കുട്ടിയെ ഫ്‌ലയിംഗ് സ്‌ക്വാഡ് പൊലീസ്‌സ്റ്റേഷനില്‍ എത്തിക്കുകയായിരുന്നു.
പെണ്‍കുട്ടിയുടെ മൊഴിയുടെ അടിസ്ഥാനത്തില്‍ സ്വാമി ഗംഗേശാനന്ദയ്‌ക്കതിരെ ലൈംഗിക പീഡനത്തിന് കേസ് എടുത്തു. പെണ്‍കുട്ടി മജിസ്ട്രേട്ടിനു നല്‍കിയ രഹസ്യമൊഴിയിലും ഇതേ മൊഴി ആവര്‍ത്തിച്ചിരുന്നു.
എന്നാല്‍ പിന്നീട് ഹൈക്കോടതിയില്‍ പെണ്‍കുട്ടി നല്‍കിയ സത്യവാംഗ് മൂലത്തില്‍ ഗംഗേശാനന്ദ തന്നെ പീഡിപ്പിച്ചിരുന്നില്ലെന്ന് മൊഴിമാറ്റി.
പ്രതികരിക്കാൻ ഇവിടെ എഴുതുക: