മലപ്പുറം :ചാലിയാറില് മണല് തിട്ടകള് കേന്ദ്രീകരിച്ച് വിശദ തെരച്ചില് നടത്തുമെന്ന് മന്ത്രി കെ രാജന്. തിരച്ചിലിന്റെ ഒരു ഘട്ടം മാത്രമാണ് വെളളിയാഴ്ച അവസാനിക്കുന്നത്.
ദുഷ്കരമായ സാഹചര്യങ്ങളിലേക്ക് തെരച്ചില് നടത്താന് സന്നദ്ധ പ്രവര്ത്തകര് സ്വന്തം നിലയില് പോകരുതെന്ന് മന്ത്രി പറഞ്ഞു.അധികൃതരുടെ അനുവാദത്തോടെ മാത്രമേ ഈ മേഖലകളിലേക്ക് പോകാന് പാടുള്ളൂ. തിരച്ചില് സംബന്ധിച്ച യോഗം മന്ത്രി കെ രാജന്റെ നേതൃത്വത്തില് മലപ്പുറത്ത് ചേര്ന്നു.
മുല്ലപ്പെരിയാര് അണക്കെട്ടില് നിലവില് ആശങ്ക വേണ്ടെന്നും കെ രാജന് അറിയിച്ചു. ജില്ലാ ഭരണകൂടവും മുഖ്യമന്ത്രിയുടെ ഓഫീസും മറ്റു അധികൃതരും നല്കുന്ന മുന്നറിയിപ്പുകള് മാത്രം കണക്കിലെടുക്കണം. ചിലര് 2018ലെ സമൂഹ മാധ്യമങ്ങളിലെ പോസ്റ്ററുകള് വീണ്ടും പങ്കുവെച്ച് ആശങ്ക ഉണ്ടാക്കുന്നുണ്ട്. വ്യാജപ്രചാരണം നടത്തരുതെന്നും മന്ത്രി പറഞ്ഞു.
