ഗുവാഹത്തി : പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടുപോയി ബലാത്സംഗം ചെയ്ത കേസിൽ പ്രതിയെ 15 വർഷം കഠിന തടവിന് ശിക്ഷിച്ച് അസം കോടതി . ഇഞ്ചമാമുൽ ഹഖ് എന്ന 30 കാരനെയാണ് കൊക്രജാർ കോടതിയിലെ പ്രത്യേക ജഡ്ജി ജയ്ദേവ് കഠിന തടവിന് ശിക്ഷിച്ചത്.
2022 ജനുവരിയിലാണ് പഠിക്കാൻ പോകുകയായിരുന്ന പെൺകുട്ടിയെ ക്ലാസിലെത്തിയ്ക്കാമെന്ന് പറഞ്ഞ് ഹഖ് കൂട്ടിക്കൊണ്ടു പോയത് . പെൺകുട്ടിയെ ഹഖ് ഡൽഹിയിലേക്ക് കൊണ്ടുപോയി, നാല് ദിവസം ബന്ദിയാക്കി ലൈംഗികമായി പീഡിപ്പിക്കുകയായിരുന്നു. ഒടുവിൽ പെൺകുട്ടിയുടെ വീട്ടുകാരുടെ പരാതിയിൽ അന്വേഷണം നടത്തിയ അസം പോലീസ് ഡൽഹിയിലെത്തിയാണ് പെൺകുട്ടിയെ രക്ഷപ്പെടുത്തിയത് . അന്വേഷണത്തിനും വൈദ്യപരിശോധനയ്ക്കും ശേഷം പോലീസ് ഹഖിനെതിരെ കുറ്റപത്രം സമർപ്പിച്ചു.
ഹഖ് കുറ്റക്കാരനാണെന്ന് കണ്ടെത്തിയതിനെ തുടർന്ന് 15 വർഷത്തെ തടവ് ശിക്ഷ വിധിച്ച കോടതി പിഴയടക്കാതെ തന്നെ മൂന്ന് മാസം അധിക തടവും വിധിച്ചു.
