കോട്ടയം: സ്ഥലം വിറ്റിട്ടെങ്കിലും പിടിച്ചുനില്‍ക്കാനുള്ള നാട്ടകം ട്രാവന്‍കൂര്‍ സിമന്റ്സ് ലിമിറ്റഡിന്റെ (ടിസിഎല്‍) ശ്രമം നീളുന്നു. സംസ്ഥാന പൊതുമേഖലയിലുള്ള കമ്പനിയുടെ സാമ്പത്തിക ബാധ്യതകള്‍ പരിഹരിക്കാനായി കാക്കനാട് വാഴക്കാലയിലെ 2.79 ഏക്കര്‍ സ്ഥലം വില്‍ക്കാനുള്ള ശ്രമമാണ് കാലങ്ങളായി നടക്കാതെ പോകുന്നത്. മൂന്നു തവണ ടെന്‍ഡര്‍ വിളിച്ചെങ്കിലും കാര്യമായ പ്രതികരണം ഉണ്ടായില്ല. ഇക്കുറിയും ടെന്‍ഡറിന്‌റെ കാലാവധി പൂര്‍ത്തിയായപ്പോള്‍ ഒരാള്‍ മാത്രമാണ് സമര്‍പ്പിച്ചത്. ഒരാളെ മാത്രം വെച്ച് ടെന്‍ഡര്‍ നടപടികള്‍ തുടരാനാവില്ലാത്തതിനാല്‍ അവസാന തീയതി പത്ത് ദിവസം കൂടി നീട്ടിയിരിക്കുകയാണ്.
അസംസ്‌കൃത വസ്തുക്കള്‍ വാങ്ങിയതിന്‌റെ ബാധ്യതയും പാട്ട കുടിശ്ശിയും അടക്കം 33 കോടിയോളം രൂപയുടെ കടത്തിലാണ് കമ്പനി. ഒരു വര്‍ഷത്തോളമായി ജീവനക്കാര്‍ക്ക് ശമ്പളം നല്‍കിയിട്ടില്ല. അസംസ്‌കൃത വസ്തുക്കള്‍ ഇല്ലാത്തതിനാല്‍ ഉത്പാദനം നടക്കുന്നില്ല. സര്‍ക്കാരില്‍ നിന്ന് വീണ്ടും ധനസഹായം അഭ്യര്‍ത്ഥിച്ചെങ്കിലും കൈമലര്‍ത്തുകയായിരുന്നു.
Sunday, December 22, 2024
സ്ഥലം വിറ്റ് കടംവീട്ടാനും വഴിതുറക്കുന്നില്ല, ട്രാവന്‍കൂര്‍ സിമന്റ്‌സിന്‌റെ പ്രതിസന്ധി നീളുന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: