പാലക്കാട്: മുന് അത്ലറ്റും കാലിക്കറ്റ് സര്വകലാശാലയിലെ കായിക വകുപ്പ് മുന് മേധാവിയുമായ മലമ്പുഴ അകത്തേത്തറ കാക്കണ്ണി സൂര്യനഗര് മെയിന്ലൈന് യജ്ഞികം വീട്ടില് ഡോ. എസ്.എസ്. കൈമള് (ശിവശങ്കര കൈമള് -84) എറണാകുളത്ത് മകന്റെ വീട്ടില് അന്തരിച്ചു. സംസ്കാരം ചൊവ്വ ഉച്ചക്ക് ശേഷം 2.30ന് പാമ്പാടി ഐവര്മഠത്തില്.
1970 മുതല് 33 വര്ഷം കാലിക്കറ്റ് സര്വകലാശാലയിലെ കായിക വകുപ്പ് മേധാവിയായിരുന്നു. ഇവിടെ നിന്നു കായിക ലോകത്തിന്റെ നെറുകയിലെത്തിയ പി.ടി. ഉഷ, എം.ഡി. വത്സമ്മ, ജോസഫ് ഏബ്രഹാം, എസ്. മുരളി, ബിജിമോള്, എസ്. ഹരിദാസ്, ഡോ. റിച്ചാര്ഡ് സ്കറിയ തുടങ്ങി ഒട്ടേറെ താരങ്ങളെ പരിശീലിപ്പിച്ചിട്ടുണ്ട്.
പാലക്കാട് ഡിസ്ട്രിക്ട് യോഗ അസോസിയേഷന് രക്ഷാധികാരിയാണ്.
ഭാര്യ: മുന് ദേശീയ അത്ലറ്റും കാലിക്കറ്റ് സര്വകലാശാല ഡപ്യൂട്ടി റജിസ്ട്രാറുമായിരുന്ന എ. ശാന്തകുമാരി. മക്കള്: ക്യാപ്റ്റന് സന്തോഷ് കൈമള് (ഇന്ത്യന് നേവി), സൗമി കൈമള് (അധ്യാപിക, ആര്മി സ്കൂള് ബെംഗളൂരു). മരുമക്കള്: ലഫ്. കേണല് ആനന്ദ്, ലക്ഷ്മി.
