ഷിരൂര്: മണ്ണിടിച്ചിലില് കാണാതായ മലയാളി ലോറി ഡ്രൈവര് അര്ജുനെ കണ്ടെത്താനുള്ള ദൗത്യം ചൊവ്വാഴ്ച വീണ്ടും പുനരാരംഭിക്കും. നാവികസേനയുടെ നേതൃത്വത്തില് ഗംഗാവലി പുഴയിലാണ് തെരച്ചില് നടത്തുക.
തിങ്കളാഴ്ച കാര്വാറില് ചേര്ന്ന യോഗത്തിലാണ് തീരുമാനം.നാവികസേനയുടെ പ്രാഥമിക പരിശോധനയ്ക്ക് ശേഷമാണ് ദൗത്യം പുനരാരംഭിക്കാന് തീരുമാനിച്ചത്.
അര്ജുന് ഉള്പ്പടെയുള്ളവര്ക്കായി ഷിരൂരിലെ തെരച്ചില് തുടരണമെന്ന് കര്ണാടക ഹൈക്കോടതി നേരത്തെ നിര്ദേശിച്ചിരുന്നു. കേന്ദ്ര-സംസ്ഥാന സര്ക്കാരുകള് സംയുക്തമായി തിരച്ചില് തുടരണമെന്നായിരുന്നു ഹൈക്കോടതി നിര്ദ്ദേശം. എന്നാല് ഗംഗാവലി പുഴയിലെ ഒഴുക്ക് അഞ്ച് നോട്ടിന് മുകളിലായ സാഹചര്യത്തില് തിരച്ചില് നിര്ത്തിവയ്ക്കുകയായിരുന്നു.
