കൊല്ലം:പ്രായപൂര്‍ത്തിയാകാത്ത പെണ്‍കുട്ടിക്ക് മുന്നില്‍ നഗ്‌നതാ പ്രദര്‍ശനം നടത്തിയ യുവാവ് പിടിയില്‍. ശക്തികുളങ്ങര സ്വദേശി സനൂജ് മോനെയാണ് കരുനാഗപ്പള്ളി പൊലീസ് പിടികൂടിയത്. കോടതിയില്‍ ഹാജരാക്കി പ്രതിയെ റിമാന്റ് ചെയ്തു.
ഒന്‍പത് വയസുളള പെണ്‍കുട്ടിക്ക് നേരെയാണ് ഇയാള്‍ നഗ്നത കാട്ടിയത്.ശനിയാഴ്ച രാവിലെ 11 മണിയോടെ കടയില്‍ പോയ ശേഷം വീട്ടിലേക്ക് മടങ്ങുകയായിരുന്ന പെണ്‍കുട്ടിക്ക് സമീപം ഇയാള്‍ ബൈക്ക് നിര്‍ത്തിയ ശേഷം കരുനാഗപ്പള്ളി മാളിയേക്കല്‍ ഭാഗത്തേക്കുള്ള വഴി ചോദിച്ചു.പെണ്‍കുട്ടി വഴി പറയുന്നതിനിടെ ഇയാള്‍ ഉടുമുണ്ട് നീക്കി നഗ്‌നതാ പ്രദര്‍ശനം നടത്തുകയും അശ്ലീല ഭാഷയില്‍ കുട്ടിയോട് സംസാരിക്കുകയും ചെയ്തു.പിന്നാലെ ഇയാള്‍ സംഭവ സ്ഥലത്ത് നിന്നും ബൈക്കില്‍ കടന്ന് കളഞ്ഞു.
കുട്ടി വീട്ടില്‍ വിവരം പറഞ്ഞതിനെ തുടര്‍ന്ന് കുടുംബം കരുനാഗപ്പള്ളി പൊലീസ് സ്റ്റേഷനില്‍ പരാതി നല്‍കി.തുടര്‍ന്ന് പൊലീസ് സംഭവസ്ഥലത്തെയും പരിസര പ്രദേശങ്ങളിലെയും സിസിടിവി ദൃശ്യങ്ങള്‍ ശേഖരിച്ച് നടത്തിയ പരിശോധനയില്‍ പ്രതിയായ സനൂജിന്റെ ചിത്രവും വാഹന നമ്പറും കണ്ടെത്തി. ഉടമയുമായി ബന്ധപ്പെട്ടപ്പോള്‍ വാഹനം മറ്റൊരാള്‍ക്ക് വില്‍പ്പന നടത്തിയെന്ന മറുപടിയാണ് ലഭിച്ചത്. തുടര്‍ന്ന് നടത്തിയ അന്വേഷണത്തില്‍ വാഹനം വാങ്ങിയ ആളെ കണ്ടെത്തുകയയും പ്രതിയായ സനൂജിലേക്ക് എത്തുകയുമായിരുന്നു. പെണ്‍കുട്ടി സനൂജിനെ തിരിച്ചറിഞ്ഞതോടെ ഇയാള്‍ കുറ്റം സമ്മതിച്ചു.
പ്രതികരിക്കാൻ ഇവിടെ എഴുതുക: