മൊറാദാബാദ് : തീപിടിച്ചെന്ന് കരുതി, ഓടുന്ന ട്രെയിനില്‍നിന്ന് പുറത്തേക്ക് ചാടിയ യാത്രക്കാര്‍ക്ക് പരിക്ക്. ഉത്തര്‍പ്രദേശ് ബില്‍പുരിന് സമീപം ഞായറാഴ്ച രാവിലെയാണ് സംഭവം.
ഹൗറ – അമൃത്സര്‍ മെയില്‍ ട്രെയിനിന്റെ ജനറല്‍ കോച്ചിലെ യാത്രക്കാരാണ് ബില്‍പുര്‍ റെയില്‍വേ സ്റ്റേഷന് സമീപം വച്ച് ട്രെയിനിന് തീപിടിച്ചുവെന്ന് തെറ്റിദ്ധരിച്ചത്.
ട്രെയിനിലെ യാത്രക്കാരില്‍ ഒരാള്‍ കോച്ചിലെ അഗ്‌നിശമന ഉപകരണം പ്രവര്‍ത്തിപ്പിച്ചതാണ് തെറ്റിദ്ധാരണയ്‌ക്ക് പരത്തിയത്. ഇതോടെ ട്രെയിനിന് തീപിടിച്ചെന്ന് കരുതി സ്ത്രീകളുള്‍പ്പെടെ യാത്രക്കാര്‍ പുറത്തേക്ക് ചാടി. ഇങ്ങനെ ചാടിയ 12 പേരില്‍ 6 പേര്‍ക്കാണ് പരിക്കേറ്റത്. ഇവരെ സമീപമുളള ആശുപത്രിയില്‍ പ്രവേശിപ്പിച്ചു.
ട്രെയിന്‍ നിര്‍ത്താന്‍ അപായച്ചങ്ങല വലിച്ചെങ്കിലും പെട്ടെന്ന് നില്‍ക്കാതെ വന്നതോടെയാണ് യാത്രക്കാര്‍ പുറത്തേക്ക് ചാടിയതെന്ന് റെയില്‍വേ അധികൃതര്‍ അറിയിച്ചു.
പ്രതികരിക്കാൻ ഇവിടെ എഴുതുക: