ഹൈജംപ് സ്വര്‍ണം ന്യൂസിലാന്‍ഡിലേക്ക്

പാരീസ്: പുരുഷ ഹൈജംപ് സ്വര്‍ണം ഇത്തവണ ന്യൂസിലാന്‍ഡിലേക്ക് പറന്നു. 2.36 മീറ്റര്‍ ചാടി അവരുടെ ഹാമിഷ് കേര്‍ ആണ് സ്വര്‍ണത്തിന് അവകാശിയായത്. വെള്ളി നേടിയ അമേരിക്കയുടെ ഷെല്‍ബി മക്ഇവനും ഇതേ ഉയരം പിന്നിട്ടു. 2.38 മീറ്റര്‍ കടക്കാന്‍ ഇരുവരും ശ്രമിച്ചെങ്കിലും കഴിഞ്ഞില്ല. തുടര്‍ന്ന് ആദ്യ ശ്രമത്തില്‍ തന്നെ 2.34 മീറ്റര്‍ കടന്ന ഹാമിഷ് സ്വര്‍ണത്തിന് അവകാശിയാവുകയായിരുന്നു. അമേരിക്കന്‍ താരം ഷെല്‍ബി ഈ ഉയരം മൂന്നാം ശ്രമത്തിലാണ് താണ്ടിയത്. ഒളിംപിക്സ് ഹൈജംപ് ചരിത്രത്തില്‍ ന്യൂസിലാന്‍ഡ് ആദ്യമായാണ് സ്വര്‍ണം നേടുന്നത്.